Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 8

Ngbanga ti nyen e yeke yü bongo pendere ndali ti abungbi ti e?

Ngbanga ti nyen e yeke yü bongo pendere ndali ti abungbi ti e?

Islande

Mexique

Guinée-Bissau

Philippines

Mo bâ na yâ ti afoto ti brochure so tongana nyen aTémoin ti Jéhovah ayü bongo pendere na ngoi ti abungbi ti ala? Ngbanga ti nyen e yeke sara ka tongaso?

A yeke ti mû nengo na Nzapa ti e. Ti tâ tënë ni, Nzapa ayeke bâ pëpe gi yungo bongo ti zo (1 Samuel 16:7). Me, tongana e gue na bungbi ti voro lo, ye so e ye ayeke ti ne lo nga ti ne aita ti e. Na tapande, tongana e ye ti bâ mbeni gbia ti kodoro, e yeke yü bongo pendere ti fa so e ne lo, ni la ape? A yeke nga tongaso na abungbi ti e. Lege so e yeke leke na tere ti e ayeke fa so e ne Jéhovah Nzapa, lo so ayeke “Gbia ti lakue lakue,” nga na ndo so e voro lo dä.1 Timothée 1:17.

A yeke ti fa so e yeke na anzoni sarango ye. Bible awa aChrétien ti ‘yü bongo so ayeke nzoni, nga ti sara ye ahon ndo ni pëpe’. (1 Timothée 2:9, 10). Zo so ‘ayü bongo nzoni’ ayeke zo so ayü bongo ti pika lê ti azo ape, wala ti zingo nzara ti tere ti ala wala ti tene azo abâ lo na yâ ni ape. Nga, zo so asara ye ahon ndo ni pëpe ayeke yü bongo gi tongaso ape, wala so akono ahon ndo ti lo wala so a gbu lo ngangu. So aye ti tene ape so zo alingbi ti yü bongo ti bê ti lo ape, ên-ën. Me tongana e yü bongo pendere ndali ti abungbi ti e, a “lingbi ti sara pendere ti fango ye ti Nzapa, Sauveur ti e” na ti ‘mû gloire na lo’. (Tite 2:10; 1 Pierre 2:12). A yeke sara nga ye na ndo ti bango ndo so azo ayeke na ni na ndo ti vorongo so e yeke voro na Jéhovah.

Zia si yungo bongo ti mo akanga lege na mo ape ti gue na Da ti Royaume. Ti yü bongo nzoni nga so alingbi na abungbi ti e ahunda pëpe ti vo gi angangu bongo wala so apika lê.

  • Yungo bongo ti e ayeke sara nyen na ndo ti vorongo so e yeke voro na Nzapa?

  • Aversê wa afa na e ti leke tere pendere ndali ti abungbi?