Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 28

Aye wa la ayeke na ndo ti site Internet ti e?

Aye wa la ayeke na ndo ti site Internet ti e?

France

Pologne

Russie

Jésus Christ atene lani na adisciple ti lo, lo tene: “Zia lumière ti ala aza na gbele azo, si azo ni alingbi ti bâ anzoni kusala ti ala na ala mû gloire na Babâ ti ala so ayeke na yayu.” (Matthieu 5:16). Ti gue oko na tënë so, e yeke sara kusala na aye so senda-kode asigigi na ni, ye tongana Internet. Site ti e, jw.org, ayeke ndo so zo alingbi ti gue dä ti wara asango na ndo ti aye so aTémoin ti Jéhovah amä na bê na ni nga na ndo ti akusala ti ala. A yeke wara nyen kâ?

Akiringo tënë ti Bible na atënë so azo ayeke hunda ka mingi. Mo lingbi ti wara akiringo tënë na ambeni kota tënë so azo ayeke hunda ka na tere ti ala. Na tapande, tract Pasi ayeke hunzi ande la? nga na Ayeke zingo ande biani azo so akui awe? so ayeke na ndo ti site ni na ayanga ti kodoro ahon 600 tongaso. Mo lingbi nga ti wara Mbeti ti Nzapa ti fini dunia na ayanga ti kodoro ahon 130 nga na ambeni mbeti so alingbi ti mû maboko na mo ti manda Bible, na tapande buku Bible afa nyen biani? nga na afini Tour ti Ba Ndo na Réveillez-vous ! Zo alingbi ti diko mingi ti ambeti ni, ti mä ni, wala ti téléchargé ni na aformat so azo ahinga ni mingi na tapande MP3, PDF wala EPUB. Mo lingbi même ti imprimé ambeni kete wungo ti alembeti ni ti mû ni na mbeni zo so aye ni na yanga ti kodoro ti lo. A zia nga avidéo ndali ti awambongi dä na ayanga ti kodoro mingi. Mo lingbi ti téléchargé dikongo Bible so a mä go ti azo ni dä, ascénette so andu ambeni mbaï ti yâ ti Bible, nga na apendere mozoko so mo lingbi ti mä ni.

Ambeni sango na ndo ti aTémoin ti Jéhovah. Mo yeke wara nga afini sango nga na anduru vidéo na ndo ti kua so e yeke sara na ndo ti sese kue. Asango na ndo ti aye so asi na aTémoin ti Jéhovah nga na aye so e sara na ngoi so aye ti ngangu asi na aita ti e. Mo lingbi nga ti wara anduru tënë na ndo ti akota bungbi ti lango ota ti peko nga na ndo ti afiliale ti e.

Aye so kue amû lege na e ti za lumière ti tâ tënë na ambage ti sese yongoro kâ. Azo na ndo kue, même na ando so ayo ngangu tongana sese ti Antarctique, ayeke bâ nzoni dä. E sambela ti tene “tënë ti Jéhovah angbâ ti gue na li ni hio hio” na ndo ti sese kue si a mû gloire na Nzapa.2 aThessalonicien 3:1.

  • Aye wa na ndo ti site jw.org amû lege na azo mingi ti hinga tâ tënë?

  • Nyen la mo ye ti bâ na ndo ti site ti e?