Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 6

Sarango songo na aita ti e aga na anzoni ye wa na e?

Sarango songo na aita ti e aga na anzoni ye wa na e?

Madagascar

Norvège

Liban

Italie

Atâa gango na abungbi ti e ahunda na e ti tambela na yâ ti gbako wala ti tambela na gbe ti ngu wala na gbe ti lâ so azö zo zongo, e aTémoin ti Jéhovah e yeke ga lakue na abungbi. E yeke tingbi nga na akpale, wala e fatigué kue na peko ti kua. Me ngbanga ti nyen e yeke sara kue ti bungbi oko na aita ti e?

A sara si e yeke hon ndo ti akpale ti e. Na azo so aga na abungbi ti e, Paul atene: “[Ala] bi lê na ndo ti mba.” (aHébreu 10:24). Tënë so aye ti tene “ti pensé na ndo ti mba mingi,” wala ti gi ti hinga mba nzoni. Tongaso, Paul awa e ti bi bê na ndo ti amba ti e. Tongana e gi ti hinga aita ti e ti yingo, e yeke bâ so ambeni awara mara ti akpale so e wara ni me ala hon ndo ni nzoni na ala lingbi ti mû maboko na e dä.

A sara si e lë akpengba songo ti kamarade na aita ti e. Azo so e na ala e sara abungbi ayeke azo so e na ala e hinga tere nzoni, me pëpe azo so e hinga ala gi tongaso awe. E yeke wara nga ka tere na ambeni ngoi nde ti sara ngia. Tongaso, anzoni ye wa e yeke wara ka na bungbingo oko na aita ti e? E yeke ne mba, nga songo ti e ti ndoye ayeke kpengba. Nga, tongana aita ti e atingbi na akpale, hio e yeke mû maboko na ala ngbanga ti so e ye ala tongana atâ kamarade ti e (aProverbe 17:17). Sarango songo na azo kue ti yâ ti congrégation ti e apusu e ti ‘bi bê na mba.’1 aCorinthien 12:25, 26.

E wa mo ti sara kamarade na azo so asara ye so Nzapa aye. Mo yeke wara ala na popo ti aTémoin ti Jéhovah. Zia si mbeni ye akanga lege na mo ape ti sara songo na e.

  • Ti gue na abungbi ayeke ga na e anzoni ye ngbanga ti nyen?

  • Lawa si mo yeke to nda ti gue na abungbi ti e na ti hinga aita?

TI HINGA AMBENI TËNË

ATémoin ti Jéhovah ayeke sara abungbi ti ala tongana nyen?

Gi ti hinga tongana nyen la ala yeke voro Nzapa.