Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 18

Tongana nyen e yeke mû maboko na aita ti e so ye ti ngangu asi na ala?

Tongana nyen e yeke mû maboko na aita ti e so ye ti ngangu asi na ala?

République Dominicaine

Japon

Haïti

Tongana mbeni ye ti ngangu asi, na tapande ngu asuku na abuba aye, aTémoin ti Jéhovah ayeke leke aye hio ti tokua ni na aita ti ala so ye ni asi na ala. A fa biani so e ye tere na popo ti e (Jean 13:34, 35; 1 Jean 3:17, 18). Me e yeke mû maboko na ala ni tongana nyen?

E yeke tokua nginza na ala. Lani tongana kota nzara atï na kodoro ti Judée, aChrétien ti kodoro ti Antioche atokua lani nginza na aita ti ala ti yingo (Kusala 11:27-30). E nga kue tongana e mä so ye ti ngangu asi na aita ti e na mbeni kodoro, e yeke tokua nginza na ala na lege ti congrégation ti e si amû maboko na ala.2 aCorinthien 8:13-15.

E yeke mû nga na ala ambeni ye so atia ala. A-ancien ti ndo so ye ti ngangu ni asi dä ayeke gi peko ti aita ni oko na oko ti bâ wala ala kue awara sioni ape. A yeke zia na sese mbeni komite so ayeke bâ lege ti kusala ti mungo nzoni ngu, kobe, bongo, ndo ti lango nga na yorö na aita ni. A-Témoin mingi so ahinga ti sara mbeni kua so bezoin ni ayeke dä ayeke mû tere ti ala wani ti gue na ando ni so ti mû maboko, na tapande ti leke ada ti aita so abuba wala aDa ti Royaume. Teti so azo ti yâ ti bungbi ti e ayeke mä tere nzoni, nga teti so sarango kusala maboko na maboko amû lege na e ti manda ye mingi a sara si tongana mbeni kpale asi, hio e leke tere ti e awe. E yeke mû maboko na “ala so ayeke aita ti e na yâ ti mabe”, me nga na ambeni zo nde, atâa ala yeke ti nzapa wa.aGalate 6:10.

E yeke dë nga bê ti ala na ambeni tënë ti Nzapa. Ala so ye ti ngangu asi na ala, a lingbi a dë bê ti ala. Ni la, na mara ti ngoi tongaso, Jéhovah, “Nzapa ti dengo bê kue,” ayeke dë bê ti e si e wara ngangu (2 aCorinthien 1:3, 4). E yeke kangbi apendere tënë ti yâ ti Bible na azo ni, e tene na ala so Royaume ti Nzapa aga nduru ti hunzi aye ti ngangu kue so asara si zo ayeke na vundu wala na yâ ti pasi.Apocalypse 21:4.

  • Nyen la asara si aTémoin ayeke mû maboko hio na aita ti ala tongana mbeni ye ti ngangu asi na ala?

  • E lingbi ti dë bê ti azo ni tongana nyen?