Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 22

Kua ti nyen la a yeke sara na yâ ti abureau ti filiale?

Kua ti nyen la a yeke sara na yâ ti abureau ti filiale?

Azoa ti Salomon

Canada

Afrika ti Mbongo

Azo ti yâ ti sewa ti Béthel ayeke sara kua na yâ ti andokua nde nde so ayeke bâ lege ti kua ti fango tënë na yâ ti kodoro oko wala mingi. Ambeni ayeke sara kua na traduction, ambeni na ndo ti petengo ambeti, ti tokuango ni, ti sigingo na avidéo wala ala yeke sara kua na ando so abâ lege ti ambeni tënë nde ti kodoro ni.

Komite ti filiale ayeke bâ lege ti kusala ni. Bebungbi ayeke soro ka ambeni ita-koli ota wala ahon ni so ayeke a-ancien na so akpengba na lege ti yingo ti bâ ndo na ndo ti bureau ti filiale oko oko. Aita ni so ayeke na yâ ti ye so a iri ni Komite ti filiale. Komite ni ayeke tokua ka asango na Bebungbi ti fa na lo tongana nyen la kusala ni ayeke tambela na yâ ti akodoro so ala yeke bâ ndo na ndo ni, wala ti fa na lo akpale so alingbi ti bâ gigi. Asango so ayeke mû ka maboko na Bebungbi ti hinga atënë so a lingbi a yôro ni na yâ ti ambeti ti e, wala so a lingbi a fa ni na ngoi ti abungbi nga na akota bungbi. Bebungbi ayeke tokua nga ka ambeni ita-koli, so ayeke ga na iri ti kota ndokua ti aTémoin ti Jéhovah, na yâ ti afiliale oko oko ti fa ambeni ye na Komite ti filiale ti mû maboko na ala na yâ ti kua ti ala ni. (aProverbe 11:14) A yeke leke nga mbeni kapa so na yâ ni aita-koli ni so ayeke mû nga mbeni diskur ndali ti aita so ayeke na yâ ti akodoro so filiale ni ayeke bâ ndo na ndo ni.

Ala yeke bâ nga lege ti acongrégation. Aita-koli so ayeke mû li ni na yâ ti filiale la ayeke yeda ti tene afini congrégation abâ gigi. Aita ni so ayeke bâ nga lege ti kua so apionnier, amissionnaire nga na asurveillant ayeke sara na yâ ti territoire ni. Ala yeke leke ka akota bungbi na ala yeke bâ ndo na ndo ti kua ti lekengo afini Da ti Royaume. Ala yeke bâ nga si a tokua ambeti na acongrégation. Kua kue so a sara na yâ ti mbeni filiale asara si kusala ti fango tënë atambela nzoni.1 aCorinthien 14:33, 40.

  • Komite ti filiale ayeke sara kua maboko na maboko na Bebungbi tongana nyen?

  • Kusala wa a yeke sara ka na yâ ti mbeni bureau ti filiale?