Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 7

E yeke sara ka abungbi ti e tongana nyen?

E yeke sara ka abungbi ti e tongana nyen?

Nouvelle-Zélande

Japon

Ouganda

Lithuania

Ândö, na ngoi so akozo Chrétien awara tere ti sara abungbi, ala yeke he abia, ala yeke sambela, ala yeke diko Mbeti ti Nzapa nga ala yeke gi ndani (1 aCorinthien 14:26). A yeke nga oko tongaso na abungbi ti e.

Afango ye ni alondo na yâ ti Bible nga amû maboko. Na samedi wala dimanche, a yeke mû ka mbeni diskur ti penze-ngbonga 30 na yâ ti acongrégation kue. Adiskur ni ayeke fa tongana nyen ti sara ye ague oko na atënë ti Bible nga afa kamba so ayeke na popo ti atënë ti Bible na aye so asi na ngoi ti e. Na ngoi ni so, a wa azo kue ti zi Bible ti ala na ti mä dikongo aversê ni na yâ ni. Na peko ti diskur ni, teti ngbonga oko a yeke sara ye so a iri ni Mandango “Tour ti Ba Ndo.” Na ngoi ni so, a yeke manda mbeni article ti Tour ti Ba Ndo so ayeke ti mandango ni, na azo kue alingbi ti mû mbage na yâ ti lisoro ni. Lisoro ni so ayeke mû maboko na e ti sara ye so Bible afa. A yeke manda oko article ni so na yâ ti acongrégation kue, so wungo ni ahon saki 110 na ndo ti sese kue.

A fa na e tongana nyen ti maï akode ti e ti fango tënë. E yeke sara nga ka mbeni bungbi na milieu ti yenga ni, na peko ti midi wala na lakui. Bungbi ni so ayeke na ambage ota na a iri ni Kusala ti e nga na gigi ti e ti Chrétien. Bungbi ni so aluti na ndo ti mbeni mbeti so ayeke sigi na ni nze na nze so airi ni Mbeti ti bungbi: Kusala ti e nga na gigi ti e ti Chrétien. Kozo mbage ti bungbi ni, so a iri ni Anzoni ye so ayeke na yâ ti Bible, ayeke mû maboko na e ti mä yâ ti ambeni versê ti Bible so afa ni kozo awe na aita ti diko ni na yanga-da. Na pekoni, na mbage so a iri ni Maï akode ti fango tënë ti mo, a yeke sara ambeni démonstration ti fa tongana nyen la e lingbi ti sara lisoro na azo na ndo ti Bible. Mbeni ita ayeke mû wango na e ti maï kode ti e ti dikongo mbeti nga ti sarango tënë (1 Timothée 4:13). Ndangba mbage ti bungbi ni, so a iri ni Gigi ti e ti Chrétien, a yeke fa na e tongana nyen la e lingbi ti sara ye alingbi na fango ye ti Bible na yâ ti gigiti e ti lâ oko oko. Na ngoi ni, a yeke hunda tënë nga azo ayeke kiri tënë na ni, na ye so ayeke sara si e yeke gbu nda ti Bible nzoni.

Na ngoi so mo yeke sara abungbi ti e, mo yeke bâ so fango ye so e yeke wara kâ ayeke tâ nzoni mingi.Ésaïe 54:13.

  • Afango ye wa la mo lingbi ti mä na abungbi ti aTémoin ti Jéhovah?

  • Bungbi wa la mo ye ti gue dä ti peko?

TI HINGA AMBENI TËNË

E yeke sara abungbi ti e tongana nyen?

Ti hinga ye so ayeke passé kâ, bâ vidéo ni.