Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 27

Bibliothèque ti Da ti Royaume alingbi ti mû maboko na e tongana nyen?

Bibliothèque ti Da ti Royaume alingbi ti mû maboko na e tongana nyen?

Israël

République Tchèque

Bénin

Azoa ti Caïman

Mo ye ti kono hingango ye ti mo na ndo ti Bible? Mo ye ti hinga ambeni ye na ndo ti mbeni versê wala na ndo ti mbeni zo, na ndo ti mbeni place wala mbeni ye so Bible asara tënë ni? Wala mo hunda tere ti mo mo tene Bible alingbi ti mû maboko na mo na ndo ti mbeni ye so agbu bê ti mo? Tongana a yeke tongaso, gue na bibliothèque ti Da ti Royaume.

A yeke mû maboko na mo ti sara recherche. Peut-être mo yeke pëpe na ambeti kue ti aTémoin ti Jéhovah na yanga ti kodoro ti mo. Me na bibliothèque ti Da ti Royaume mo yeke wara mingi ti afini mbeti ni. Mo lingbi ti wara nga na yâ ni amara ti Bible nde nde, mbeni nzoni dictionnaire, nga na ambeni bakari so alingbi ti mû maboko na mo. Kozo ti tene bungbi ato nda ni wala na pekoni, mo lingbi ti gue ti sara kua na aye so ayeke na yâ ti bibliothèque ni. Tongana congrégation ni ayeke na ordinateur, peut-être Watchtower Library kue ayeke na ndo ni. A yeke mbeni gbakuru ti kua na ndo ti ordinateur so a zia mara ti ambeti ti e nde nde na yâ ni nga ayeke mû maboko na mo ti sara recherche hio na ndo ti mbeni tënë wala mbeni versê.

A yeke mû maboko na a-élève na ngoi Bungbi ti Kusala ti e nga na gigi ti e ti Chrétien. Bibliothèque ti Da ti Royaume alingbi ti mû maboko na mo mingi ti leke na adevoir ti mo. Surveillant ti bungbi ti Kusala ti e nga na gigi ti e ti Chrétien la ayeke bâ lege ti bibliothèque ni. A yeke ti lo ti bâ wala a zia andangba mbeti ti e na yâ ni awe nga ti bâ wala a leke ambeti ni nzoni. Lo wala ita so ayeke manda Bible na mo alingbi ti fa na mo lege ti wara asango so mo yeke na bezoin ni. Me, ambeti ti yâ ti bibliothèque ni angbâ gi na yâ ti Da ti Royaume ni me a sigigi na ni ape. Nga, e ye ti sara kua na ambeti ni na hange si a suru ape nga ti sû mbeti na yâ ni ape.

Bible afa so ti “wara lege ti hinga Nzapa”, a lingbi e duti na nzara ti gi lo “tongana mosoro so ahonde”. (aProverbe 2:1-5). Bibliothèque ti Da ti Royaume alingbi ti mû maboko na mo ti to nda ti recherche ti mo ni.

  • Aye wa la mo lingbi ti wara na yâ ti bibliothèque ti Da ti Royaume?

  • Azo wa la alingbi ti fa na mo nzoni lege ti sarango kua na bibliothèque ni?