Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 26

E lingbi ti sara nyen ti bata Da ti Royaume ti e nzoni?

E lingbi ti sara nyen ti bata Da ti Royaume ti e nzoni?

Estonie

Zimbabwe

Mongolie

Porto Rico

Iri ti Nzapa ayeke na ndo ti aDa ti Royaume kue ti aTémoin ti Jéhovah. Ni la, e bâ so a yeke mbeni kota pasa ti bata ni si a ngbâ nzoni nga pendere, teti sarango tongaso afa so e bâ tënë ti vorongo Jéhovah na nene ni mingi. Azo kue alingbi ti mû mbage dä.

Na peko ti bungbi, mû mbage na kua ti nettoyage. Lakue na peko ti bungbi, na ngia na bê aita ayeke sara mbeni kete nettoyage ti tene Da ti Royaume ni aduti propre. Nga lakue na ambeni ngoi a yeke sara kota nettoyage. Mbeni ancien wala mbeni wakua ti mungo maboko si ayeke bâ ndo na ndo ti kua ni. Lo sara ni mingi ni na mungo peko ti aye so a fa na ndo ti mbeni mbeti. Ambeni kua ni ahunda ti tene a balêe yâ ti da ni, a sukula yâ ni, a zi poussière na tere ti aye kue, a sukula yâ ti kabinë, a dë yâ ti gbagba ni, a zi ambeni saleté so ayeke na yâ ni wala a zö asaleté. Ngu oko oko, a yeke soro mbeni lango ti sara mbeni kota nettoyage ni nde. E yeke mû ambeni kua ni na amolenge ti e, tongaso si e fa na ala ti ne ndo so e yeke voro Jéhovah dä.—Zo-ti-fa-tene 4:17.

Yeda ti mû mbage na kua ti lekengo ambeni ye so abuba. Ngu oko oko, aita ayeke gi nzoni ti bâ na yâ ti Da ti Royaume nga na gigi ni aye wa la a yeke nzoni a leke ni. Na pekoni awe, ala leke aye ni so abuba si da ni angbâ nzoni, tongaso si abuba nginza senge senge pëpe (2 Chronique 24:13; 34:10). Da ti Royaume so a bata ni nzoni nga propre ayeke mbeni ndo so a lingbi ti tene zo avoro Nzapa dä. Ni la, tongana e mû mbage ti e na kua ni, e yeke fa so e ye Jéhovah nga so e bâ na nene ni ndo so e yeke voro lo dä (Psaume 122:1). A yeke sara nga si azo so ayeke nduru na ni agonda ndo ni.2 aCorinthien 6:3.

  • A yeke nzoni e bâ ndo so e yeke voro Jéhovah dä na nene ni. Ngbanga ti nyen?

  • Nyen la ahunda ti sara ti tene Da ti Royaume angbâ propre?

TI HINGA AMBENI TËNË

ATémoin ti Jéhovah ayeke sara abungbi ti ala tongana nyen?

Gi ti hinga tongana nyen la ala yeke voro Nzapa.