Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 12

E yeke fa ka tënë ti Royaume tongana nyen?

E yeke fa ka tënë ti Royaume tongana nyen?

Espagne

Biélorussie

Hong Kong

Pérou

Kete kozo ti tene Jésus akui, lo tene: “A yeke fa ande nzoni tënë ti royaume so na ndo ti sese kue so azo ayeke dä tongana mbeni tënë ti témoin ndali ti amara kue. Na pekoni, nda ni ayeke ga.” (Matthieu 24:14). Me a yeke sara kua ti fango tënë na ndo ti sese kue ni tongana nyen? A yeke sara ni tongana ti so Jésus asara na ngoi so lo yeke lani na sese ge.Luc 8:1.

E yeke gi ti wara azo na yanga-da ti ala. Jésus afa lani na adisciple ti lo ti fa nzoni tënë da na da (Matthieu 10:11-13; Kusala 5:42; 20:20). A-Chrétien ti ândö nga kue ayeke lani na ando so a mû na ala ti fa tënë dä (Matthieu 10:5, 6; 2 aCorinthien 10:13). Laso nga, a leke yâ ti kusala ti e ti fango tënë tâ nzoni mingi, na congrégation oko oko ayeke na ando so a mû na lo ti fa tënë dä. Ye so amû lege na e ti sara ye so Jésus atene lani, so ayeke “ti fa tënë na azo na ti fa nda ti tënë ni kue”.Kusala 10:42.

E yeke sara kue ti wara azo na ndo kue so e lingbi ti wara ala dä. Jésus nga kue azia tapande ni na lege so lo fa lani tënë na ando so gbâ ti azo ayeke dä, na tapande, na ayanga ti ngu wala na tere ti adungu so azo ti kodoro ni ayeke gue ti tö ngu dä (Marc 4:1; Jean 4:5-15). E nga kue e yeke sara lisoro na ndo ti Bible na azo na ndo kue so ala yeke dä, so ti tene na ndo ti lege, na aplace ti kango ye, na yâ ti aparc wala na téléphone. E yeke fa nga tënë na avoizin ti e, na azo so e na ala e sara kua ndo oko, wala e na ala e sara klasse oko, nga na afami ti e tongana lege azi na e. A-effort so kue asara si a fa nzoni tënë ti “salut” na azo kutu mingi na yâ ti dunia mobimba.Psaume 96:2.

Mo hinga ambeni zo so mo lingbi ti fa nzoni tënë ti Royaume ti Nzapa na ala? na nga ti fa na ala nzoni ye so ala lingbi ti wara na pekoni? Bata pendere beku so gi ndali ti mo oko ape, me fa ni na ala. Mo ku ape.

  • “Nzoni tënë” wa a lingbi a fa ni?

  • A-Témoin ti Jéhovah ayeke mû tapande ti Jésus na fango tënë tongana nyen?

TI HINGA AMBENI TËNË

A-Témoin ti Jéhovah: Bungbi so a leke ni ti fa nzoni tënë

A hinga aTémoin ti Jéhovah nzoni mingi ndali ti kusala ti fango ye na ndo ti Bible so ala yeke sara na yâ ti akodoro nde nde. Bungbi ti ala ni ayeke tambela tongana nyen, azo wa la ayeke na li ni nga ala yeke wara nginza na ndo wa?