Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 17

Asurveillant ti circonscription ayeke mû maboko na e tongana nyen?

Asurveillant ti circonscription ayeke mû maboko na e tongana nyen?

Malawi

Na bungbi ti fango tën

Na fango tënë

Na bungbi ti a-ancien

Na mbage ti Mbeti ti Nzapa so aChrétien asû ândö na yanga ti Grec, a sara tënë ti Barnabas nga na ti bazengele Paul mingi. Ala yeke lani asurveillant so ague na ando nde nde, so ti tene ala yeke sara vizite na acongrégation oko oko ti ngoi ni kâ. Ala sara ni ngbanga ti so ala ye si aita ti ala aduti nzoni na lege ti yingo. Paul atene lani so lo ye ti ‘kiri ti gue ti bâ aita’ ti bâ wala ala yeke tongana nyen. Tongaso lo yeke lani nduru ti sara akilomètre mingi ti gue ti kpengba ala (Kusala 15:36). Asurveillant ti e laso nga ayeke na oko bibe so.

Ala ga ti kpengba e. Ita so ayeke surveillant ti circonscription ayeke sara vizite ti acongrégation 20 tongaso, lo yeke mû yenga oko ti duti na congrégation oko oko, na so fani use na yâ ti ngu oko. Aita-koli so nga na awali ti ala (tongana ala yeke na ni) asara nzoni mingi na e, teti ala hinga ye mingi. Ala yeke sara kue ti hinga aita kue, atâa a yeke ambakoro wala amaseka, na a nzere ka na ala mingi ti fa tënë na tere ti e nga ti tene e na ala e gue na a-étude ti e. Ala na a-ancien ayeke gue ka abâ aita na da ti ala ti kpengba ala. Ala yeke mû ka adiskur na abungbi ti e wala na akota bungbi ti e ti kpengba nga e.Kusala 15:35.

Ala bi bê ti ala na azo kue. Asurveillant ti circonscription aye si acongrégation aduti nzoni na lege ti yingo. Ala yeke sara ka bungbi na a-ancien nga na awakua ti mungo maboko ti bâ ye so congrégation asara nga ala yeke mû wango na ala na ndo ti kusala ti ala ni. Ala yeke mû maboko na apionnier si ala sara nzoni kua na fango tënë, nga a nzere ka na ala ti hinga afini zo so aga na bungbi nga ti mä effort so ala sara ti maï na lege ti yingo. Asurveillant, so ayeke ‘amba ti e wakua’, ayeke sara kua ngangu ndali ti ‘nzoni ti e’. (2 aCorinthien 8:23). Zia si e kue e mû pendere tapande ti mabe ti ala.aHébreu 13:7.

  • Ngbanga ti nyen asurveillant ti circonscription ayeke sara ka vizite na acongrégation?

  • Mo lingbi ti sara nyen ti bâ nzoni na lege ti vizite ti ala ni?

TI HINGA AMBENI TËNË

AZO WA LA AYEKE SARA LASO YE SO JÉHOVAH AYE?

E yeke gue ka na akota bungbi ngbanga ti nyen?

Ngu oko oko, fani ota, e yeke wara tere ndali ti akota bungbi ti e. Mo lingbi ti bâ nzoni dä tongana nyen?

AZO WA LA AYEKE SARA LASO YE SO JÉHOVAH AYE?

E yeke fa ka tënë ti Royaume tongana nyen?

E yeke mû gi tapande so Jésus azia na ngoi so lo yeke lani ge na ndo ti sese. Ambeni kode ti fango tënë ni ayeke so wa?