Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 11

E yeke gue ka na akota bungbi ngbanga ti nyen?

E yeke gue ka na akota bungbi ngbanga ti nyen?

Mexique

Allemagne

Botswana

Nicaragua

Italie

Ndali ti nyen lê ti azo so kue ayeke na ngia tongaso? A yeke ndali ti so ala yeke na mbeni oko ti akota bungbi ti e la. Tongana ti so Nzapa ahunda ândö na awakua ti lo ti bungbi fani ota na yâ ti ngu oko, a nzere ka na e mingi ti bungbi oko tongaso nga (Deutéronome 16:16). Ngu oko oko, e yeke sara ka akota bungbi ota: kota bungbi ti lango oko, fani use, nga na kota bungbi ti lango ota. Aye ti nzoni wa e yeke wara ka na akota bungbi so?

Abungbi ni ayeke kpengba songo ti e na aita ti e ti yingo. Legeoko tongana ti so lani a nzere na azo ti Israël ti gonda Jéhovah na yâ ti “bungbi ti azo”, e nga kue a nzere na e ti bungbi oko ti voro lo na angoi tongaso (Psaume 26:12; 111:1). Abungbi ni so azi lege na e ti wara tere na aTémoin ti ambeni congrégation nde wala même na ala ti ambeni kodoro nde. Na ngoi ti wungo tere, e yeke te kobe ndo oko na place ti kota bungbi ni, na ye so asara si zo abâ tere ti lo dä nzoni (Kusala 2:42). Kâ e yeke bâ na lê ti e wani ndoye so abungbi “sewa ti e ti aita” na yâ ti dunia kue.1 Pierre 2:17.

Abungbi ni asara si e maï na lege ti yingo. Azo ti Israël awara nga lani aye ti nzoni ngbanga ti so a zi nda ti Mbeti ti Nzapa na ala nzoni si ala “hinga nda ti tënë” ni (Néhémie 8:8, 12). E nga kue afango ye so e yeke wara na ngoi ti akota bungbi ti e ni anzere na e mingi. Akapa ni oko na oko aluti na ndo ti mbeni versê so ayeke mama-tene ni. Na lege ti apendere diskur, so ambeni ayeke na ambage mingi, nga na lege ti adémonstration, e manda tongana nyen ti sara ye so Nzapa aye. E yeke mä nga ka atapande ti ambeni Chrétien so agbu ngangu na yâ ti akpale so ala wara na ngoi ti nda ni so. Atapande tongaso akpengba ka e mingi. Na akota bungbi ti lango ota, a yeke sara ka asenète, ti fa ambeni ye so asi ândö so Bible asara tënë ni, na asenète ni so afa na e aye so e lingbi ti manda dä. Na ngoi ti akota bungbi ni, a yeke batizé ka azo so aye ti fa na lê ti azo kue so ala mû tere ti ala na Nzapa awe.

  • Ngbanga ti nyen akota bungbi ayeke ka angoi so azo kue ayeke na ngia?

  • Aye ti nzoni wa mo lingbi ti wara na guengo na mbeni kota bungbi?