Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 25

E leke aDa ti Royaume ngbanga ti nyen, nga na lege ti nyen?

E leke aDa ti Royaume ngbanga ti nyen, nga na lege ti nyen?

Bolivie

Nigeria, ngbene ni nga na fini ni

Tahiti

Tongana ti so iri “Da ti Royaume” afa ni, aye so e yeke manda kâ aluti na ndo ti Royaume ti Nzapa, kota tënë so ayeke na yâ ti fango tënë ti Jésus lani.Luc 8:1.

A yeke ando so e yeke voro Jéhovah dä. Na yâ ti aDa ti Royaume la aTémoin ti Jéhovah ayeke leke kua ti fango tënë ti Royaume dä (Matthieu 24:14). A leke ada ni mara ni nde nde nga konongo ni ayeke nde nde. Ada ni kue akono ngbii ape nga a zia gbâ ti aye na tere ni ape. Na yâ ti Da ti Royaume oko, a lingbi ti wara congrégation oko wala ahon so, na mingi ti ala ayeke tongaso. Na yâ ti angu so ahon, e leke aDa ti Royaume saki mingi (so ti tene oku lango oko oko) ti lingbi na wungo ti acongrégation so ayeke gue gi na li ni. Me nyen la amû maboko na e ti leke ada ni so?Matthieu 19:26.

A leke ni grâce na a-offrande so a zia ni nde ndali ni. A yeke tokua a-offrande ni so na filiale si lo tokua ni nga na acongrégation so ayeke na bezoin ni ti leke na afini Da ti Royaume wala angbene ni.

volontaire ti ando nde nde la aleke ada ni. Na akodoro mingi, a zia na sese agroupe ti lekengo afini Da ti Royaume. A yeke ambeni ita so amû tere ti ala na kua ni, na ala yeke gue congrégation na congrégation ti yâ ti kodoro ni, même na yâ ti akete kodoro, ti mû maboko na acongrégation so ayeke leke aDa ti Royaume ti ala. Ti ambeni kodoro, a zia ambeni ita ti bâ lege ti lekengo aDa ti Royaume na yâ ti akodoro mingi wala ti leke pekoni. Atâa so ambeni ita so alondo na ambeni ndo nde, na so ayeke na akode, ayeke mû nga maboko na akua ti lekengo ada ni, mingi ti azo so ayeke sara kua ni ayeke amembre ti congrégation ni. Biani, yingo ti Jéhovah nga na akota effort ti azo ti lo amû lege ti leke na aDa ti Royaume.Psaume 127:1; aColossien 3:23.

  • Ngbanga ti nyen ndo so e yeke voro Jéhovah dä a iri ni Da ti Royaume?

  • Na lege ti nyen la e yeke leke aDa ti Royaume na ndo ti sese kue?

TI HINGA AMBENI TËNË

E yeke sara abungbi ti e tongana nyen?

Ti hinga ye so ayeke passé kâ, bâ vidéo ni.

E yeke sara ka abungbi ti e tongana nyen?

Mo hunda tere ti mo awe na ndo ti aye so ayeke pasêe ka na ngoi ti abungbi ti e? Bê ti mo ayeke dö ande ti bâ so fango ye so e yeke wara kâ ayeke tâ nzoni mingi.