Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

 YE TI MANDA 5

Anzoni ye wa mo yeke wara ande na abungbi ti e?

Anzoni ye wa mo yeke wara ande na abungbi ti e?

Argentine

Sierra Leone

Belgique

Malaisie

Azo mingi azia lege ti guengo na eglize ngbanga ti so kâ a kaï nzara ti ala ti aye ti yingo pëpe wala a dë bê ti ala pëpe. Ka ngbanga ti nyen a yeke nzoni mo ga na abungbi ti aTémoin ti Jéhovah? Anzoni ye wa la mo yeke wara kâ?

Tere ti mo ayeke nzere ti duti na popo ti azo so abi bê na mba na so aye tere. Na ngoi ti abazengele, a kangbi yâ ti aChrétien lani na acongrégation, so na yâ ni ala yeke voro Nzapa, ala yeke manda Mbeti ti Nzapa na ala wa tere na popo ti mba (aHébreu 10:24, 25). Ala ye tere lani, na ye so asara si ala bâ tere tongana atâ kamarade, wala aita na lege ti yingo (2 aThessalonicien 1:3; 3 Jean 14). E nga kue e sara tongana ala, nga oko ngia so ala wara lani, ni la si e wara nga laso.

Mo yeke hinga tongana nyen ti sara ye so Nzapa ahunda. Tongana ti so a fa tapande ni na yâ ti Bible, azo kue abungbi oko, akoli, awali na amolenge. Ambeni ita so ayeke fa ye nzoni ayeke fa na e na lege ti Bible tongana nyen ti sara ye ague oko na aye so Bible ni afa na yâ ti fini ti e ti lâ oko oko. (Deutéronome 31:12; Néhémie 8:8) Azo kue alingbi ti mû mbage na alisoro nga ti he bia ti fa mabe ti ala na gigi.aHébreu 10:23.

Mabe ti mo ayeke kpengba. Na mbeni congrégation lani, bazengele Paul atene tënë so: “Mbi yeke na nzara mingi ti bâ ala, . . . ti tene e kpengba tere na popo ti e, e oko oko e kpengba na lege ti mabe ti mba, mabe ti ala na ti mbi nga.” (aRomain 1:11, 12). Warango tere lakue na aita na abungbi ayeke kpengba mabe ti e nga ayeke sara si e ye lakue ti sara ye so Nzapa aye.

Mo yeke ga ande na abungbi ti e ti peko? tongaso si mo bâ ni na lê ti mo wani? Aita ayeke yamba ande mo na ngia. Mo lingbi ti gue dä senge, a yeke ro nginza na maboko ti azo kâ pëpe.

  • E yeke sara abungbi ti e alingbi na tapande ti azo wa?

  • Guengo na abungbi ayeke ga na e anzoni ye wa?

 

TI HINGA AMBENI TËNË

E yeke sara abungbi ti e tongana nyen?

Ti hinga ye so ayeke passé kâ, bâ vidéo ni.

Ngoi ti abungbi ti aTémoin ti Jéhovah

Hinga place so e yeke wara tere dä nga e yeke voro Nzapa tongana nyen?