Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Azo wa la ayeke sara laso ye so Jéhovah aye?

Ye so Nzapa aye ayeke nyen?

Ye so Nzapa aye ayeke nyen?

Nzapa aye si e duti na siriri nga na ngia teti lakue lakue na yâ ti paradis na ndö ti sese.

Peut-être mo hunda terê ti mo, mo tene, ‘A lingbi ti ga tâ ye tongana nyen?’ Bible atene so Royaume ti Nzapa la ayeke sara si a yeke ga tâ ye, na Nzapa aye si azo kue amanda ye na ndö ti Royaume ni nga na ye so lo Nzapa lo leke ti sara ndali ti e azo.​—Psaume 37:11, 29; Ésaïe 9:7.

Nzapa aye nzoni ti e.

Tongana ti so mbeni nzoni babâ aye nzoni ti amolenge ti lo, Babâ ti e ti yayu aye nga si e duti na ngia lakue lakue (Ésaïe 48:17, 18). Lo mû yanga so tongana ‘zo asara ye so bê ti Lo aye, lo ngbâ lakue lakue.’​—1 Jean 2:17.

Nzapa aye si e tambela na lege ti lo.

Bible atene so Wasarango dunia aye ti “fa alege ti lo na e” si ‘e tambela’ dä (Ésaïe 2:2, 3). Lo zia na sese “mbeni bungbi ti azo ndali ti iri ti lo” si azo na ndo kue ahinga ye so lo ye.​—Kusala 15:14.

Nzapa aye si e kue e voro lo yanga oko.

Ahon ti tene bungbi ti Jéhovah akangbi yâ ti azo, lo sara si azo avoro Nzapa yanga oko na yâ ti tâ ndoye (Jean 13:35). Azo wa la laso ayeke fa na azo na ndo kue ti sara na Nzapa yanga oko? E tisa mo ti hinga ni na lege ti brochure so.

 

TI HINGA AMBENI TËNË

KAPA TI MANDANGO BIBLE

E yeke manda Bible na azo tongana nyen?

Na ndo ti sese kue, azo ahinga aTémoin ti Jéhovah tongana azo so ayeke manda Bible na azo senge senge. Bâ tongana nyen a yeke sara ni.

KAPA TI MANDANGO BIBLE

Ndani nyen ti manda Bible?

Bible ayeke mû maboko laso na azo kutu na kutu na yâ ti dunia kue ti wara akiringo tënë na angangu tënë so ala yeke hunda na yâ ti gigi ti ala. Mo nga kue mo ye ti duti na popo ti ala?