Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Azo wa la ayeke sara laso ye so Jéhovah aye?

A yeke wara aTémoin ti Jéhovah na yâ ti dunia mobimba, nga mara ti ala na asarango ye ti tere ti ala ayeke nde nde. Nyen la abungbi groupe ti azo ni so kue oko?

Ye so Nzapa aye ayeke nyen?

Nzapa aye si azo na ndo ti sese kue ahinga ye so lo ye. Ye so lo ye ayeke nyen, nga azo wa la laso ayeke fa ni na amba ti ala?

A-Témoin ti Jéhovah ayeke azo wa?

A-Témoin ti Jéhovah oke la mo hinga ala? Nyen la mo hinga biani na ndo ti e?

Ngbanga ti nyen a iri e aTémoin ti Jéhovah?

Bâ araison ota so ndali ni e mû iri ni so.

Lê ti azo akiri azi na ndo ti tâ tënë tongana nyen?

Nyen la apusu e ti tene na kite oko pëpe so laso e hinga tâ mbilimbili ye so Bible afa biani?

Ngbanga ti nyen e sigigi na Mbeti ti Nzapa ti fini dunia?

Nyen la asara si Bible ni so ayeke nde mingi?

Anzoni ye wa mo yeke wara ande na abungbi ti e?

E yeke sara abungbi ti manda tënë ti Nzapa nga ti wa tere na popo ti e. E tisa mo ti ga!

Sarango songo na aita ti e aga na anzoni ye wa na e?

Bible awa aChrétien ti sara songo na popo ti ala. Gi ti hinga ye so mo lingbi ti sara ti bâ nzoni na lege ti mara ti songo tongaso.

E yeke sara ka abungbi ti e tongana nyen?

Mo hunda tere ti mo awe na ndo ti aye so ayeke pasêe ka na ngoi ti abungbi ti e? Bê ti mo ayeke dö ande ti bâ so fango ye so e yeke wara kâ ayeke tâ nzoni mingi.

Ngbanga ti nyen e yeke yü bongo pendere ndali ti abungbi ti e?

Tënë ti aye so e yü abâ nga Nzapa? Bâ andia ti Bible so ayeke fa lege na e na yâ ti yungo bongo ti e nga na lekengo kuä ti li ti e.

E lingbi ti sara nyen ti leke abungbi ti e tâ nzoni?

Ti wara aye ti nzoni na guengo na abungbi, a yeke nzoni ti leke nga abungbi ni kozo.

Vorongo Nzapa na yâ ti sewa ayeke nyen?

Bâ tongana nyen la lekengo ye ni so alingbi ti mû maboko na mo ti ga nduru na Nzapa nga ti kpengba songo na popo ti sewa.

E yeke gue ka na akota bungbi ngbanga ti nyen?

Ngu oko oko, fani ota, e yeke wara tere ndali ti akota bungbi ti e. Mo lingbi ti bâ nzoni dä tongana nyen?

E yeke fa ka tënë ti Royaume tongana nyen?

E yeke mû gi tapande so Jésus azia na ngoi so lo yeke lani ge na ndo ti sese. Ambeni kode ti fango tënë ni ayeke so wa?

Kua ti pionnier ayeke nyen?

Ambeni Témoin ti Jéhovah ayeke mû tere ti ala, na yâ ti nze oko, ti fa tënë teti angbonga 30, 50, wala même ahon so. Nyen la apusu ala ti sara tongaso?

A-ekole wa la a sigigi na ni ndali ti apionnier?

A-ekole wa la a sigigi na ni ndali ti azo so amû ngoi ti ala kue teti kua ti fango tënë ti Royaume?

A-ancien ayeke mû maboko na congrégation tongana nyen?

A-ancien ayeke aita-koli so akpengba na lege ti yingo nga so ayeke mû li ni na yâ ti congrégation. Mungo maboko wa la ala yeke mû?

Kua ti awakua ti mungo maboko ayeke nyen?

Awakua ti mungo maboko ayeke sara si aye atambela nzoni na yâ ti congrégation. Bâ tongana nyen kua ti ala ayeke ga na ye ti nzoni na azo so aga na bungbi ni.

Asurveillant ti circonscription ayeke mû maboko na e tongana nyen?

Ndali ti nyen la asurveillant ti circonscription ayeke gue ka ti sara avisite na acongrégation? Mo lingbi ti bâ nzoni dä tongana nyen?

Tongana nyen e yeke mû maboko na aita ti e so ye ti ngangu asi na ala?

Tongana mbeni ye ti ngangu asi, e yeke leke ambeni ye ti gue na ni ti mû maboko na aita ti e nga ti dë bê ti ala na lege ti yingo na yâ ti ye ti ngangu so asi na ala. Na lege wa?

Ngbâa be-ta-zo so ayeke sara ye na ndara ayeke zo wa?

Jésus amû zendo so lo yeke mû kua na ngbâa ni ti mû kobe ti yingo na amba ti lo. Lo yeke sara ni tongana nyen?

Bebungbi ayeke sara kua laso tongana nyen?

Na ngoi ti akozo Chrétien, mbeni kete groupe ti a-ancien nga na abazengele ayeke sara kua tongana bebungbi ndali ti congrégation. Ka ti laso ayeke tongana nyen?

Béthel ayeke nyen?

Béthel ayeke mbeni ndo so a yeke sara kota kua dä mingi. Gi ti hinga ambeni ye na ndo ti azo so ayeke sara kua kâ.

Kua ti nyen la a yeke sara na yâ ti abureau ti filiale?

Zo kue alingbi ti sara vizite ti mbeni filiale. E tisa mo ti ga ti sara ni!

A yeke sara ka ambeti ti e tongana nyen?

E yeke sigigi na ambeti na ayanga ti kodoro ahon 700 tongaso. E sara mara ti ngangu kua ni so ngbanga ti nyen?

E yeke wara nginza na ndo wa ndali ti kua ti e na ndo ti sese kue?

Na ndo ti tënë ti nginza, nyen la asara si bungbi ti e ayeke nde na atanga ti abungbi ti vorongo?

E leke aDa ti Royaume ngbanga ti nyen, nga na lege ti nyen?

E iri ando so e yeke voro Nzapa dä “Da ti Royaume” ngbanga ti nyen? Gi ti hinga tongana nyen la ando ni so amû maboko mingi na acongrégation ti e.

E lingbi ti sara nyen ti bata Da ti Royaume ti e nzoni?

Da ti Royaume so ayeke propre nga so a bata ni nzoni ayeke mû gonda na iri ti Nzapa ti e. Aye wa la a leke ti bâ lege ti Da ti Royaume ti ndo so mo yeke dä so nzoni?

Bibliothèque ti Da ti Royaume alingbi ti mû maboko na e tongana nyen?

Mo ye ti sara ambeni recherche ti kono hingango ye ti mo na ndo ti Bible? Gue na yâ ti bibliothèque ti Da ti Royaume.

Aye wa la ayeke na ndo ti site Internet ti e?

Mo lingbi ti hinga aye mingi na ndo ti e nga na ndo ti aye so e mä na bê na ni. Mo lingbi nga ti wara kiringo tënë ti Bible na ahunda ti mo.

WMo yeke sara ande ye so Jéhovah aye?

Jéhovah Nzapa aye mo mingi. Tongana nyen la mo yeke fa nzara so mo yeke na ni ti sara ye so lo ye na yâ ti gigi ti mo ti lâ oko oko?