Lege ti wara ye ni

Soro mbeni yanga ti kodoro

Gue na gbe ti menu

Gue na tënë ti yâ ni

aTémoin ti Jéhovah

Sango

Nyen la alingbi ti sara si sewa aduti na ngia?

Nyen la alingbi ti sara si sewa aduti na ngia?

Mo pensé a yeke  . . .

  • ndoye?

  • nginza?

  • mbeni ye nde?

 YE SO BIBLE ATENE

“Ngia ayeke na ala so amä tënë ti Nzapa na abata ni!”—Luc 11:28, Mbeti ti Nzapa ti fini dunia.

TËNË SO ABÂ MO TONGANA NYEN?

Ye so ala lingbi ti sara ti ye tere ngangu.—aÉphésien 5:28, 29.

Ye so ala lingbi ti sara ti ne mba mingi.—aÉphésien 5:33.

Ye so ala lingbi ti sara ti mä tere nzoni.—Marc 10:6-9.

 E LINGBI TI YEDA BIANI NA YE SO BIBLE ATENE?

En, ndali ti ambeni raison use tongaso:

  • Nzapa la asara si sewa abâ gigi. Bible atene so “na lege ti [Jéhovah Nzapa] asewa kue . . . awara iri ti ala”. (aÉphésien 3:14, 15). A ye ti tene so Jéhovah la asara si sewa abâ gigi. Nda ti tënë so ane, ngbanga ti nyen?

    Bâ tapande so: Tongana mo te mbeni nzerengo kobe na mo ye ti hinga aye so ayeke na yâ ni, mo yeke hunda zo wa? Mo yeke hunda tâ gi lo so atö kobe ni so.

    Legeoko nga, tongana mo ye ti hinga ye so asara si sewa aduti na ngia, a yeke nzoni mo bâ ndo na mbage ti Jéhovah, Lo so azia na sese tënë ti sewa.—Genèse 2:18-24.

  • Nzapa aye si mo duti nzoni. A yeke nzoni sewa ti mo agi wango na mbage ti Jéhovah, so lo zia ni na yâ ti Bible. Ngbanga ti nyen? “Ngbanga ti so lo yeke bi bê ti lo” na ndo ti mo (1 Pierre 5:6, 7). Jéhovah aye nzoni ti sewa ti mo, na hinga so awango ti lo ayeke lakue nzoni.—aProverbe 3:5, 6; Ésaïe 48:17, 18.

 BÂ TËNË SO

Mo lingbi ti sara nyen ti duti nzoni koli, wala nzoni wali, nzoni babâ wala nzoni mama?

Kiringo tënë ni ayeke na A-ÉPHÉSIEN 5:1, 2 nga na ACOLOSSIEN 3:18-21.

TI HINGA AMBENI TËNË

Sewa ti mo alingbi ti duti na ngia

Mo lingbi ti duti na ngia na yâ ti mariage ti mo nga na sewa ti mo tongana mo sara ye alingbi na awango ti Bible.