Lege ti wara ye ni

Soro mbeni yanga ti kodoro

Gue na gbe ti menu

Gue na tënë ti yâ ni

aTémoin ti Jéhovah

Sango

Pasi ayeke hunzi ande la?

Pasi ayeke hunzi ande la?

Ti mo . . . 

  • a yeke hunzi?

  • a yeke hunzi ape?

  • mo hinga ape?

 YE SO BIBLE ATENE

“Nzapa . . . ayeke mbô ngu ti lê kue na lê ti ala, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe.”Apocalypse 21:3, 4, Mbeti ti Nzapa ti fini dunia.

TËNË SO ABÂ MO TONGANA NYEN?

Mo yeke hinga biani so Nzapa la ayeke na gunda ti akpale ti e ape.Jacques 1:13.

Bê ti mo ayeke dë ti hinga so Nzapa ahinga pasi ti e na mawa ti e asara lo.Zacharie 2:8.

Mo yeke duti na beku so apasi kue ayeke hunzi ande.Psaume 37:9-11.

 E LINGBI TI YEDA BIANI NA YE SO BIBLE ATENE?

En, ndali ti ambeni raison use tongaso:

  • Pasi nga na sarango ye ti kirikiri ayeke aye so Nzapa aye oko ape. Lani tongana “azo . . . asara ngangu” na amolenge ti Israël si ala bâ pasi mingi, Bible atene so vundu asara Jéhovah Nzapa.aJuge 2:18, La Sainte Bible en sango.

    Azo so ayeke sara sioni na amba ti ala, bê ti Nzapa ake ala. Na tapande, Bible atene so “maboko so asa mênë ti azo ti mbilimbili” ayeke tâ sioni na lê ti lo.aProverbe 6:16, 17.

  • Tënë ti e oko oko kue agbu bê ti Nzapa. Gi azo si “ahinga kobela ti ala na vundu ti ala mveni” ape, Jéhovah nga kue ahinga ni.2 Chronique 6:29, 30.

    Na lege ti Royaume ti lo, Jéhovah aga nduru ti hunzi pasi ti azo oko oko kue (Matthieu 6:9, 10). Me ti fadeso, lo yeke dë bê ti azo so ayeke gi lo na bê ti ala oko.Kusala 17:27; 2 aCorinthien 1:3, 4.

 BÂ TËNË SO

Nzapa azia si azo ayeke bâ pasi ngbanga ti nyen?

Kiringo tënë ni ayeke na AROMAIN 5:12 nga na 2 PIERRE 3:9.

TI HINGA AMBENI TËNË

Ngbanga ti nyen Nzapa azia lege na aye ti sioni nga na pasi?

Sioni abâ gigi tongana nyen, na ndali ti nyen si Nzapa azia lege na ni juska laso? Pasi ayeke hunzi ande la?