Lege ti wara ye ni

Soro mbeni yanga ti kodoro

Gue na gbe ti menu

Gue na tënë ti yâ ni

aTémoin ti Jéhovah

Sango

Mo bâ ti mo Bible tongana nyen?

Mo bâ ti mo Bible tongana nyen?

Tongana . . . 

  • mbeni mbeti so azo la asara na ndara ti ala?

  • mbeni mbeti ti apande?

  • Mbeti ti Nzapa?

 YE SO BIBLE ATENE

“Tënë kue ti Mbeti ti Nzapa alondo na yanga ti Nzapa.”—2 Timothée 3:16, La Sainte Bible en sango.

TËNË SO ABÂ MO TONGANA NYEN?

Mo yeke wara atâ kiringo tënë na akota tënë so zo ayeke hunda na ndo ti gigi ti lo.—aProverbe 2:1-5.

Anzoni wango ndali ti gigi ti mo ti lâ oko oko ayeke na yâ ni. —Psaume 119:105.

Tâ beku ti kekereke ayeke nga dä. —aRomain 15:4.

 E LINGBI TI YEDA BIANI NA YE SO BIBLE ATENE?

En, ndali ti ambeni raison ota tongaso:

  • Atënë ti yâ ni kue amä tere nzoni. A sû Bible na yâ ti mbeni ngoi so aninga ngu 1 600 tongaso. Azo 40 tongaso la asû ni. Mingi ti azo ni abâ tere lâ oko ape. Me, atënë ti yâ ni kue amä tere nzoni na aluti na ndo ti mama-tene oko.

  • Ambaï ti yâ ni ahonde ndo ti ye oko ape. Mingi ni ka awasungo mbaï ayeke honde awokongo ti azo ti kodoro ti ala. Me, azo so asû Bible afa sioni ti ala wani nga na sioni ti azo ti kodoro ti ala dandara na yâ ni.—2 Chronique 36:15, 16; Psaume 51:3-6.

  • Aprophétie ti yâ ni ayeke lakue tâ tënë. Bible asara lani tënë ti tingo ti ngbene gbata ti Babylone angu 200 tongaso kozo (Ésaïe 13:17-22). A fa tongana nyen la a yeke tï ande, nga a fa tâ iri ti zo so ayeke kinda ni.—Ésaïe 45:1-3.

    Gbâ ti ambeni prophétie ti yâ ti Bible ni ayeke dä so aga tâ tënë na yâ ti anzene nzene ye ni kue. Biani, ye so zo ayeke ku na mbage ti Mbeti ti Nzapa la.—2 Pierre 1:21.

 BÂ TËNË SO

Bible alingbi ti sara si gigi ti mo aga nzoni tongana nyen?

Kiringo tënë ni ayeke na ÉSAÏE 48:17, 18 nga na 2 TIMOTHÉE 3:16, 17.

TI HINGA AMBENI TËNË

Nzoni tënë ni alondo biani na Nzapa?

E hinga tongana nyen so Bible atene tâ tënë?