Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Royaume ti Nzapa akomanse kua awe!

Na mbage ti wali: Akungba so aita ti Suisse atokua ni ti mû maboko na aita ti Alemagne, na ngu 1946; Na mbage ti koil: aTémoin ti Jéhovah ayeke leke mbeni Da ti Royaume na Japon na peko ti mbeni kota sukungo ti ngu, na 2011

 MBAGE 6

E mû maboko na Royaume ni: E leke ada ti voro na Nzapa nga e mû maboko na azo na ngoi ti ngangu

E mû maboko na Royaume ni: E leke ada ti voro na Nzapa nga e mû maboko na azo na ngoi ti ngangu

 MO YEKE tambela na yâ ti Da ti Royaume ti mo na a yeke tongana ti kozo ape. Da so azia ngia lakue na bê ti mo. Peut-être mo dabe ti mo na ngia so mo wara lani na mungo mbage na lekengo ni ândö. Me ti fadeso, a kiri a zia ngia mingi na bê ti mo, ndali ti so Da ti Royaume ni aga ndo so, na yâ ni, a yeke mû maboko na azo na ngoi ti aye ti ngangu. Na ndo so mo yeke dä, kota ngu apika amû ndo kue na abuba aye mingi dä. Hio, Komite ti filiale aleke mbeni ye ti mû kobe, bongo, nzoni ngu ti nyongo ni nga na ambeni ye na azo so ye ti ngangu ni asi na ala. Aye so aita atokua ti mû na maboko na azo, a leke ni nzoni nga na lege ni. Aita-koli na aita-wali ayeke lï na molongo ti wara ye so ala yeke na bezoin ni. Mingi ti ala ayeke essuyé ngu ti lê ti nzerengo tere na lê ti ala.

Jésus atene lani so a yeke hinga adisciple ti lo mbilimbili na ndoye so ala yeke na ni na popo ti ala (Jean 13:34, 35). Na yâ ti mbage so, e yeke bâ tongana nyen la a yeke bâ ndoye so na yâ ti akua so e aTémoin ti Jéhovah e yeke sara ti leke ada nga ti mû maboko na azo na ngoi ti ye ti ngangu. Mara ti ndoye ni so ayeke mbeni kpengba ye so afa so e yeke na gbe ti komandema ti Royaume ti Jésus.

NA YÂ TI MBAGE SO

CHAPITRE 18

E wara nginza ti sarango na akua ti Royaume ni na ndo wa?

E wara nginza ti sarango na akua ti Royaume ni na ndo wa? A yeke sara kua na ni tongana nyen?

CHAPITRE 19

Kusala ti lekengo ada so amû gonda na Jéhovah

Ando ti vorongo Nzapa amû gonda na lo, me mbeni ye nde la lo bâ na nene ni mingi.

CHAPITRE 20

Kusala ti mungo maboko na azo na yâ ti aye ti ngangu

E hinga tongana nyen so kusala ti mungo maboko na azo ayeke mbeni mbage ti kusala so ayeke nzoni-kue, so e yeke sara na Nzapa?