Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Royaume ti Nzapa akomanse kua awe!

Mo ye ti bâ tongana nyen la azendo ti Royaume ni ayeke ga tâ tënë?

 MBAGE 7

Azendo ti Royaume ni: A sara ye kue aga fini

Azendo ti Royaume ni: A sara ye kue aga fini

 MO FÂ mbeni lê ti keke, mo mä fion ni, na pekoni mo zia ni na yâ ti sakpa so ambeni lê ni ayeke dä awe. A ninga awe la mo yeke sara kua ni so, me mo woko pëpe. Mama ti mo ayo na tere ti keke ni ape, lo yeke sara kua na ngia nga lo yeke sara lisoro na ambeni zo ti sewa ti ala nga na akamarade ti ala so ayeke mû maboko na ala na yâ ti kua ni.—Lo kpa maseka mingi, tongana ti ândö so mo de kete molenge. A yeke ngangu na mo ti bâ so mo bâ lo lani na gango mbakoro na yâ ti dunia so ahon ngbene ye giriri awe. Mo bâ lani tongana nyen la kobela awoko lo, mo gbu maboko ti lo na ngoi so lo yeke wu pupu, ti ndangba ni, na mo toto na ndo ti cimetière ti lo. Me lo la ge fadeso, na tere ti ambeni zo mingi. Lo yeke na fini nga na nzoni seni!

E hinga so, mara ti ngoi tongaso aga nduru ti si awe. E hinga ni ngbanga ti so azendo ti Nzapa ayeke ga tâ tënë lakue. Na yâ ti mbage so, e yeke bâ tongana nyen la ambeni zendo ti Royaume ni ayeke ga tâ tënë na yâ ti ngoi kete, so ayeke gue ti si na bira ti Harmaguédon. E yeke bâ nga ambeni zendo ti Royaume ni so ayeke ga tâ tënë na pekoni. So nzerengo tere si e yeke wara ande ti bâ ngoi so, na yâ ni, Royaume ti Nzapa asara kua na ndo ti sese kue, ti sara si ye kue aga fini!

NA YÂ TI MBAGE SO

CHAPITRE 21

Royaume ti Nzapa afuti awato ti lo

Mo lingbi ti leke tere ti mo laso ndali ti bira ti Harmaguédon.

CHAPITRE 22

Royaume ni ayeke sara ande ye so bê ti Nzapa aye na ndo ti sese

Mo lingbi ti hinga biani tongana nyen so azendo ti Jéhovah ayeke ga tâ tënë?