Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Royaume ti Nzapa akomanse kua awe!

Na mbage ti wali: Mbeni ita-wali so ayeke colporteur na Corée (1931); Na mbage ti koli: Fango tënë na yanga ti awambongi na Corée ti laso

 MBAGE 2

Fango tënë ti Royaume: Nzoni tënë ti Royaume amû ndo ti sese kue

Fango tënë ti Royaume: Nzoni tënë ti Royaume amû ndo ti sese kue

 LANGO so mo yeke gue na kua pëpe la. Mo yeke leke tere ti mo ti sigigi na fango tënë. Mo gi bê ti mo kete ndali ti so mo fatigué. Ndapre ni so akpa mbeni nzoni ngoi ti wu tere. Me mo sambela, na mo mû desizion ti sigigi. Mo sara kua na tere ti mbeni ita-wali mbakoro so aninga na yâ ti kua ni, na lo yeke sara ye na nzoni bê. Ye so apika bê ti mo mingi. Na ngoi so ala yeke fa tâ tënë da na da, mo bâ so aita-koli na aita-wali ti dunia kue ayeke fa oko tënë so. Ala yeke sara kusala so na a-oko mbeti nga ala yeke wara nzoni na lege ti oko ye so a yeke fa na e. Tongana mo kiri na yanga-da, mo kiri mo wara ngangu. Tere ti mo anzere so mo ngbâ fade na kodoro ape so!

Laso, fango tënë ayeke kota kua so Royaume ti Nzapa ayeke sara. Jésus atene lani so yâ ti kusala ti fango tënë ayeke kono mingi na ngoi ti alango ti nda ni (Mat. 24:14). Ye so ayeke ga tâ tënë tongana nyen? Na yâ ti mbage so, e yeke sara tënë na ndo ti azo, akode nga na agbakuru ti kusala so amû maboko mingi na kua ti fango tënë. Kua ni so asara si azo kutu mingi na yâ ti dunia abâ Royaume ti Nzapa tongana tâ ye na lê ti ala.

NA YÂ TI MBAGE SO

CHAPITRE 6

Awafango tënë: Awafango tënë ni amû tere ti ala na bê ti ala wani

Nyen la asara si Jésus ayeke lani sûr so lo yeke wara mbeni bungbi ti azo, so na lâ ti nda ni, ala yeke mû tere ti ala na bê ti ala wani ti fa tënë? Mo yeke sara nyen ti fa so mo yeke gi Royaume ni kozoni?

CHAPITRE 7

Akode ti fango tënë: Sarango kua na akode nde nde ti ndu azo mingi

Bâ akode so azo ti Nzapa asara na kua ti ndu azo mingi na nzoni tënë kozoni si nda ni aga.

CHAPITRE 8

Agbakuru ti fango na tënë: Sigingo na ambeti ti fa na tënë na ndo ti dunia mobimba

Na lege wa kua ti kiringo na peko ti ambeti ti e afa biani so Gbia ni ayeke na e? Aye wa so andu ambeti ti e afa na mo biani so Royaume ni ayeke tâ ye?

CHAPITRE 9

Aye ti peko ti fango tënë: “Ayaka ni . . . abe awe ti tene a ko ni”

Jésus afa akota ye use na adisciple ti lo na ndo ti kongo lê ti kobe na lege ti yingo. Aye use ni so abâ e laso tongana nyen?