Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Royaume ti Nzapa akomanse kua awe!

Na mbage ti wali: Sewa ti Béthel ti Brooklyn angbâ ti sara ndangba matanga ti Noël na ngu 1926; Na mbage ti koli: Azo abâ so aTémoin ti Jéhovah ayeke ti ala nde

 MBAGE 3

Andia ti Royaume ni: Gingo mbilimbili ti Nzapa

Andia ti Royaume ni: Gingo mbilimbili ti Nzapa

 MO SARA maboko ti mo mo bara voizin ti mo. Ade ti ninga ape, mo bâ so lo yeke bâ ka mo na sewa ti mo. Lo nga kue lo sara maboko ti lo, lo bara mo. Lo iri mo ti ga, na lo tene: “Mbi peut ti hunda na mo mbeni tënë? Nyen la asara si ala yeke nde so?” Mo ngbâ mo hunda lo, mo tene: “E yeke nde ni tongana nyen?” Lo tene, “Ala yeke aTémoin ti Jéhovah, ni la? Ala yeke tongana tanga ti azo ape. Ala yeke mû ka tere ti ala na atanga ti abungbi ti nzapa ape, ala yeke sara ka ti ala afête ape, tënë ti poroso abâ ala ape nga ala yeke sara bira ape. Ala yeke nyon ka manga ape. Nga na bango ni, sewa ti mo ayeke sara ye gi na lege ni. Nyen la asara si ala yeke ti ala tâ nde tongaso?”

Kiringo tënë ni ayeke ngangu ape, a yeke so: E yeke na gbe ti komandema ti Royaume ti Nzapa. Teti so Jésus ayeke Gbia, lo ngbâ ti leke e nzoni. Lo ngbâ ti mû maboko na e ti tambela na peko ti lo, tongaso si e duti nde na yâ ti sioni dunia so. Na yâ ti mbage so, e yeke bâ ande tongana nyen la Royaume ni ayeke leke awakua ti Nzapa ti tene ala duti na nzoni songo na Jéhovah, ti duti na nzoni sarango ye nga ti leke yâ ti bungbi ni. Gbia ni ayeke sara aye ni so kue ti mû gloire na Jéhovah.

NA YÂ TI MBAGE SO

CHAPITRE 10

Gbia ni aleke azo ti lo nzoni na lege ti yingo

Matanga ti Noël nga na croix, ala use kue, abâ gigi tongana nyen?

CHAPITRE 11

Asarango ye ti ala aga nzoni: Ala ga nzoni-kue tongana ti Nzapa

Asinziri nga na akota yanga-da ti temple so Ézéchiel abâ na yâ ti mbeni bango li ti lo aye ti fa na e ambeni ye so andu azo ti Nzapa depuis ngu 1914.

CHAPITRE 12

A leke yâ ti bungbi ti ala ti voro “Nzapa ti siriri”

Bible asara pëpe tënë ti wusuwusu na ti sarango ye na lege ni, me lo sara tënë ti wusuwusu na siriri. Ngbanga ti nyen? Na kiringo tënë ni andu aChrétien laso tongana nyen?