Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Nzoni tënë so alondo na Nzapa!

 Ye ti manda 7

Royaume ti Nzapa ayeke nyen?

Royaume ti Nzapa ayeke nyen?

Ngbanga ti nyen Jésus la ayeke nzoni Gbia?MARC 1:40-42.

1. Royaume ti Nzapa ayeke nyen?

Royaume ti Nzapa ayeke mbeni ngorogbia so ayeke na yayu. A yeke mû ande place ti angorogbia kue ti azo nga a yeke sara si a sara ye so bê ti Nzapa aye na yayu nga na sese. So nzoni tënë la, so Royaume ti Nzapa aye ti sara ye so. Na yâ ti ngoi kete, Royaume ti Nzapa ayeke sara na azo aye so e ye ti tene mbeni nzoni ngorogbia asara ndali ti e. A yeke bungbi ande azo kue so ayeke na ndo ti sese.Diko Daniel 2:44; Matthieu 6:9, 10; 24:14.

Na yâ ti mbeni royaume a yeke wara gbia ni. Jéhovah asoro Molenge ti lo, Jésus, ti duti Gbia ti Royaume ti lo.Diko Apocalypse 11:15.

2. Ngbanga ti nyen Jésus la ayeke nzoni Gbia?

Molenge ti Nzapa la ayeke nzoni Gbia ndali ti so lo yeke sara ye na nzoni bê nga lo yeke sara lakue ye so ayeke mbilimbili (Jean 1:14). Lo yeke nga na ngangu ti mû maboko na azo ndali ti so kâ na yayu lo yeke komande ande juska na sese ge. Na peko ti so a zingo lo na kuâ, Jésus ague na yayu na lo duti na tere ti Jéhovah na mbage ti maboko ti lo ti koli, lo ku (aHébreu 10:12, 13). Na nda ni, Nzapa amû na lo ngangu ti to nda ti komande na yayu.Diko Daniel 7:13, 14.

3. Jésus na azo wa la ayeke komande ande?

Mbeni wungo ti azo so a iri ala “azo ti be-vulu” ayeke komande ande legeoko na Jésus na yayu (Daniel 7:27).  Abazengele ti Jésus so ayeke be-ta-zo ayeke akozo zo so a soro ala ti ga azo ti be-vulu. Juska laso Jéhovah angbâ ti soro azo so ayeke be-ta-zo ti ga azo ti be-vulu. Tongana ti Jésus, a zingo ala na kuâ na tere so ayeke ti yingo.Diko Jean 14:1-3; 1 aCorinthien 15:42-44.

Azo oke la ayeke gue na yayu? Jésus airi ala “kete kundu”. (Luc 12:32). Wungo ti ala kue ayeke duti ande 144000. Na yayu kâ ala na Jésus ayeke komande sese.Diko Apocalypse 14:1.

4. Nyen la asi na ngoi so lani Jésus ato nda ti komande?

Royaume ti Nzapa ato nda ti komande ngbene ye na ngu 1914. * Kozo ye so Jésus asara tongana Gbia ayeke ti bi Satan na sese nga na asioni yingo so amû peko ti lo. Satan asara ngonzo ngangu na lo komanse ti ga na awusuwusu na ndo ti sese (Apocalypse 12:7-10, 12). Ngbene ye na ngoi ni so, pasi ti azo ayeke gue gi guengo na li ni. Abira, akota nzara, asioni kobela ti fango zo nga na yengingo ti sese ayeke na popo ti aye so afa so Royaume ti Nzapa aga nduru awe ti leke akpale ti sese.Diko Luc 21:7, 10, 11, 31.

5. Nyen la Royaume ti Nzapa ayeke sara?

Na lege ti fango tënë ti Royaume ti Nzapa na ndo ti sese kue, Royaume ni so ayeke bungbi azo mingi ti amara nde nde kue. Azo kutu mingi mingi so ayeke azo ti tâ be-ti-molenge ayeke duti ande na gbe ti komandema ti Jésus. Royaume ti Nzapa ayeke bata ala na ngoi ti futingo aye ti sioni ti ngoi so. Tongaso azo kue so aye ti bâ nzoni na lege ti Royaume ti Nzapa, a lingbi ala manda ti mä yanga ti Jésus.Diko Apocalypse 7:9, 14, 16, 17.

Na yâ ti ngu 1000, Royaume ni ayeke sara ye so Nzapa aye lani ti sara teti azo na tongo nda ni. Sese kue ayeke ga ande paradis. Na nda ni, Jésus ayeke kiri na Royaume ni na Babâ ti lo (1 aCorinthien 15:24-26). Mo hinga mbeni zo so mo ye ti sara tënë ti Royaume ti Nzapa na lo?Diko Psaume 37:10, 11, 29.

^ par. 12 Ti wara anzene nzene tënë so afa so aprophétie ti Bible asara tënë ti ngu 1914, bâ lembeti 216 ti si na 218 ti buku Bible afa nyen biani?

TI HINGA AMBENI TËNË

E yeke fa ka tënë ti Royaume tongana nyen?

E yeke mû gi tapande so Jésus azia na ngoi so lo yeke lani ge na ndo ti sese. Ambeni kode ti fango tënë ni ayeke so wa?