Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Nzoni tënë so alondo na Nzapa!

 Ye ti manda 15

Ndali ti nyen ti ngbâ ti manda Bible?

Ndali ti nyen ti ngbâ ti manda Bible?

1. Aye ti nzoni wa mo yeke wara tongana mo ngbâ ti manda Bible?

Kite ayeke pëpe so aye so mo komanse ti hinga na ndo ti Bible asara si mo ndoye Jéhovah mingi. A lingbi mo ngbâ ti sara si ndoye ni so akono ahon ti kozo (1 Pierre 2:2). Beku ti mo ti fini ti lakue lakue ayeke ga tâ ye gi tongana mo ngbâ ti ga nduru na Nzapa na mandango Bible.Diko Jean 17:3; Jude 21.

Na ngoi so hingango ye ti mo na ndo ti Nzapa ayeke kono, mabe ti mo ayeke kiri ti kpengba. Mabe ayeke mû ande maboko na mo ti sara ye so anzere na Nzapa (aHébreu 11:1, 6). A yeke pusu mo ti changé asioni sarango ye ti mo na ti sara aye ti nzoni na yâ ti dutingo ti mo.Diko Kusala 3:19.

Mo lingbi ti lë mbeni songo so ayeke tâ nde mingi na Jéhovah

2. Aye so mo hinga na ndo ti Nzapa, ambeni zo alingbi ti bâ nzoni dä tongana nyen?

Bê ti mo wani ayeke pusu ande mo ti fa na ambeni zo aye so mo manda. E kue tongana e hinga mbeni nzoni tënë, a nzere ka na e ti tene ni na amba ti e. Na ngoi so mo ngbâ ti manda Bible, mo yeke manda tongana nyen ti sara kua na ni ti fa tënë ti mabe so mo yeke na ni na Jéhovah nga ti fa nzoni tënë.Diko aRomain 10:13-15.

Mingi ti azo so amanda Bible akomanse ti fa nzoni tënë na akamarade nga na afami ti ala. Sara ye na hange. Ahon ti tene na ala so bungbi ti vorongo nzapa ti ala ayeke na lege ni pëpe, fa na ala azendo ti Nzapa. Girisa nga pëpe so, mingi ni nzoni sarango ye ti mo la ayeke pika bê ti azo ahon tënë so mo yeke tene.Diko 2 Timothée 2:24, 25.

3. Mara ti songo wa alingbi ti duti na popo ti mo na Nzapa?

Mandango Bible ayeke mû maboko na mo ti maï na lege ti  yingo. Na nda ni, mo lingbi ti lë mbeni songo so ayeke tâ nde mingi na Jéhovah. Mo lingbi biani ti ga zo ti lo tongana mbeni membre ti sewa ti lo.Diko 2 aCorinthien 6:18.

4. Mo lingbi ti ngbâ ti maï tongana nyen?

Mo lingbi ti maï na lege ti yingo tongana mo ngbâ ti manda Bible (aHébreu 5:13, 14). Hunda na mbeni Témoin ti Jéhovah ti manda Bible na mo na lege ti buku Bible afa nyen biani? Tongana mo yeke manda Bible mingi, fini ti mo ayeke ga nzoni mingi.Diko Psaume 1:1-3; 73:27, 28.

Nzoni tënë ni alondo na Jéhovah, Nzapa so ayeke na ngia. Gango nduru na azo ti lo alingbi ti sara si mo ga nduru mingi na lo (aHébreu 10:24, 25). Tongana mo ngbâ ti sara ngangu ti sara ye so anzere na Jéhovah, a yeke sara si mo wara tâ fini, so ti tene fini ti lakue lakue. Gango nduru na Nzapa ayeke tâ nzoni ye so mo lingbi ti sara.Diko 1 Timothée 1:11; 6:19.

TI HINGA AMBENI TËNË

E yeke sara abungbi ti e tongana nyen?

Ti hinga ye so ayeke passé kâ, bâ vidéo ni.

Ndani nyen ti manda Bible?

Bible ayeke mû maboko laso na azo kutu na kutu na yâ ti dunia kue ti wara akiringo tënë na angangu tënë so ala yeke hunda na yâ ti gigi ti ala. Mo nga kue mo ye ti duti na popo ti ala?