Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

9. A ga nduru ti futi dunia so awe?

9. A ga nduru ti futi dunia so awe?

1 JÉHOVAH AFA NA E YE NA NDÖ TI KEKEREKE

“Na tongo nda ni, mbi fa tongana nyen ye ni ayeke hunzi, nga ngbene ye giriri mbi fa aye so ade ti si pëpe.”—Ésaïe 46:10

Nyen la e hinga na ndö ti ngoi ti nda ni?

  • Daniel 7:13, 14

    Jésus aga Gbia na yayu na ngu 1914.

  • Matthieu 24:3-14

    Jésus asara tënë ti angoi ti kpale so azo ayeke hon na yâ ni.

  • Apocalypse 12:7-9, 12

    Kete na peko ti so Jésus aga Gbia, lo tomba Satan na yayu na lo bi lo na sese. Ngonzo agbu Satan mingi ndali ti so a ngbâ na lo “ngoi mingi pëpe” kozo ti tene Nzapa azi lo.

2 E YEKE NA LÂ TI NDA NI

“Fä ti . . . ngoi so aye ti ngoi so ayeke gue ti hunzi ayeke nyen?”—Matthieu 24:3

Mo bâ so aprophétie ti Bible aga tâ tënë?

  • Matthieu 24:7; Luc 21:11

    Lâ oko ade e bâ abira, nzara, yengingo ti sese nga na kobela tongana ti ngoi ti e laso pëpe.

  • 2 Timothée 3:1-5

    Bazengele Paul afa sarango ye ti azo na ngoi ti lâ ti nda ni.

  • Daniel 12:4

    Nzapa ayeke mû maboko na azo ti lo ti mä yâ ti Bible nzoni mingi ahon ti kozo.

  • Matthieu 24:14

    A yeke fa nzoni tënë ti Royaume na ndö ti sese kue.

3 SARA YE FADESO TI NZERE NA LÊ TI JÉHOVAH

“Lâ ti Jéhovah ayeke ga tâ gï tongana mbeni zo ti nzi na bï.”—1 aThessalonicien 5:2

So nda ni aga nduru mingi so, nyen la mo doit ti sara?

  • Jean 17:3

    Bâ mandango Bible so mo yeke manda tongana ye ti ngia pëpe.

  • A-Hébreu 10:24, 25

    Tongana mo gue na abungbi ti aTémoin ti Jéhovah mo yeke manda ye mingi.

  • Jacques 4:8

    Sara achangement so mo bezoin ti sara na yâ ti fini ti mo si mo lingbi ti ga nduru mingi na Nzapa.

  • Luc 21:34-36

    Zia si ye agboto lê ti mo pëpe, na zia si vorongo Jéhovah aduti kota ye na yâ ti fini ti mo.