Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

8. Royaume ti Nzapa ayeke nyen?

8. Royaume ti Nzapa ayeke nyen?

1 ROYAUME TI NZAPA AYEKE MBENI TÂ GOUVERNEMENT

“Zia Royaume ti mo aga. Zia a sara ye so bê ti mo aye, na yayu legeoko nga na ndö ti sese.”—Matthieu 6:9-13

Royaume ti Nzapa ayeke nyen?

2 JÉSUS AYEKE DUTI ANDE NZONI ZO TI KOMANDE MINGI

“Lo yeke fâ ngbanga ti azo ti mawa [wala, awayere] na lege ni.”—Ésaïe 11:4

Ngbanga ti nyen la a yeke nzoni mingi so a soro Jésus ti duti Gbia ti Royaume?

  • 1 Timothée 6:16

    Azo kue so akomande tongana gbia, mbeni lâ ala yeke kui, me Jésus ayeke kui ande lâ oko pëpe. Anzoni ye kue so Jésus ayeke sara ndali ti e ayeke ngbâ lakue lakue.

  • Ésaïe 11:2-4

    Jésus ayeke na ngangu ti sara anzoni ye mingi ahon azo kue so akomande. Lo yeke na ngangu mingi ahon azo kue so akomande tongana a bungbi ala oko. Lo yeke fâ ngbanga na lege ni nga lo bâ mawa ti zo.

3 ROYAUME TI NZAPA AYEKE SARA KUE TI TENE A SARA YE SO BÊ TI NZAPA AYE

“Nzapa ti yayu ayeke sigi na mbeni royaume so a yeke futi ni lâ oko pëpe.”—Daniel 2:44

Aye wa la Royaume ni asara awe? Nyen la Royaume ni ayeke sara ande?

  • Apocalypse 12:7-12

    Na peko ti so a zia Jésus Gbia na ngu 1914, lo tomba Satan na yayu na lo bi lo na sese. Ndani la akpale nga na pasi ayeke mingi na ndö ti sese kue.

  • Zo-ti-fa-tene 8:9; Apocalypse 16:16

    Na ngoi ti Harmaguédon, Royaume ti Nzapa ayeke futi ande agouvernement kue so asara asioni ye mingi na azo nga aye tënë ti goro mingi.

  • Psaume 37:10

    A yeke futi azo kue so angbâ ti sara asioni ye.

  • Apocalypse 22:1-3

    Na ngoi so Royaume ti Nzapa ayeke komande sese, zo oko ayeke tï kobela wala ayeke kui pëpe nga azo kue ayeke ne ande iri ti Nzapa.