Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

6. Tongana e kui, e yeke gue na ndo wa?

6. Tongana e kui, e yeke gue na ndo wa?

1 TONGANA ZO AKUI, FINI TI LO AHUNZI

“Azo so akui awe ahinga ti ala ye oko pëpe.”—Zo-ti-fa-tene 9:5

Nyen la ayeke si na e tongana e kui?

2 JÉHOVAH AYE LÂ OKO PËPE TI TENE AZO AKUI

“Me ti keke ti hingango nzoni na sioni, mo te lê ni pëpe, teti na lango so mo te ni, ti tâ tënë ni mo yeke kui.” —Genèse 2:17

Ngbanga ti nyen la e yeke kui?

  • Genèse 3:1-6

    Satan atene mvene na ndö ti ye so ayeke si na Ève tongana lo bata pëpe commandement ti Nzapa. Na ngoi so Adam na Ève ake lani yanga ti Jéhovah, ala sara siokpari na yeke yeke ala kui na nda ni.

  • Genèse 3:19

    Na peko ti so Adam kui, lo yeke dä encore ape.

  • A-Romain 5:12

    Siokpari ayeke tongana mbeni sioni kobela so e wara na lege ti kozo babâ na mama ti e. E kue a dü e na siokpari, ndani la e yeke kui.

  • 1 aCorinthien 15:26

    Bible atene kuâ ayeke mbeni wato.

3 TÂ TËNË NA NDÖ TI AKUÂ AZI E

“Tongana mbeni zo akui, lo lingbi ti kiri na fini? . . . mbi yeke ngbâ ti ku juska ngoi ti zingo mbi asi.”—Job 14:14

Tongana nyen la hingango tâ tënë na ndö ti akuâ azi e na gbe ti atënë so ayeke na lege ni ape?

  • 1 Jean 4:8

    Tënë ti enfer ti wâ ayeke zongango Jéhovah. Lo yeke zia lâ oko pëpe ti tene azo abâ mara ti pasi tongaso.

  • Apocalypse 4:11

    Azo mingi ayeke sara mbeto ti akuâ, tongaso ala yeke voro ala ahon ti voro Jéhovah. Jéhovah ayeke tâ Nzapa na a lingbi e voro gï lo.