1 JÉSUS AYEKE MESSIE

“Mo yeke Christ.”—Matthieu 16:16

E hinga tongana nyen so Jésus ayeke Messie?

2 JÉSUS AYEKE LANI MBENI ANGE KOZO SI LO GA NA SESE

“Mbi londo na yayu mbi ga.”—Jean 6:38

Nyen la Jésus asara lani na yayu?

  • A-Colossien 1:15, 16

    Jéhovah asara Jésus kozo, na pekoni lo sara kua na lo ti leke tanga ti aye kue. Jésus amanda lani ye na terê ti Babâ ti lo teti angu milliard mingi.

  • Luc 1:30-35

    Jéhovah atokua lani Jésus na sese.

3 JÉSUS AYE AZO

“Ala zia akete molenge ni aga na mbi.”—Marc 10:14

Asarango ye ti Jésus wa la mo ye ni?

4 JÉSUS ASARA LAKUE YE SO BÊ TI NZAPA AYE

“Mbi hunzi kusala so mo mû na mbi ti sara so awe.” —Jean 17:4

Tongana nyen la tapande ti Jésus amû maboko na e ti duti be-ta-zo?