Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

2. Bible: Mbeti so alondo na Nzapa

2. Bible: Mbeti so alondo na Nzapa

1 BIBLE ALONDO NA NZAPA

“Atënë kue ti yâ ti Mbeti ti Nzapa, a sû ni na gbe ti yingo ti Nzapa.”—2 Timothée 3:16

Tongana nyen la Bible ayeke nde na tanga ti ambeti kue?

A kiri na peko ti Bible na ayanga ti kodro 2800 tongaso nga a imprimé ni milliard mingi.

E yeke wara na yâ ni asango so e lingbi ti wara ni na mbeni ndö nde pëpe.

2 BIBLE AYEKE MBENI MBETI TI PROPHÉTIE

“Nzapa . . . alingbi ti tene mvene pëpe.”—Tite 1:2

Ngbanga ti nyen la mo lingbi ti zia bê ti mo na Bible?

  • Ésaïe 44:27–45:2

    Bible atene prophétie so afa tongana nyen la a yeke futi Babylone, angu ngbangbo mingi kozo ti tene asi.

  • 2 Timothée 3:1-5

    Aprophétie ti Bible angbâ ti ga tâ tënë laso.

  • Nombre 23:19

    E lingbi ti zia bê ti e na ye so Bible atene na ndö ti kekereke.

3 A SÛ BIBLE TI TENE AMÛ MABOKO NA MO

“Mbi Jéhovah, mbi yeke Nzapa ti mo. Mbi la mbi yeke fa ye na mo ti tene mo bâ nzoni dä.”—Ésaïe 48:17

Nyen la mo manda na yâ ti Bible?

  • Job 26:7; Ésaïe 40:22

    Na ndö ti aye ti awandara, Bible atene tâ tënë.

  • Nombre 20:2-12

    Azo so asû Bible atene tâ tënë.

  • Matthieu 5-7

    Jésus amû wango na e na ndö ti lege ti duti na ngia, ti mä terê na amba ti e, ti sambela nga ti duti na nzoni bango ndo na ndö ti nginza.

4 BIBLE ALINGBI TI CHANGÉ GIGI TI MO

“Tënë ti Nzapa ayeke na fini na ayeke na ngangu ti sara ye.”—aHébreu 4:12

Nyen la Mbeti ti Nzapa alingbi ti sara ndali ti mo?

  • A lingbi ti mû maboko na mo ti hinga ye so Nzapa aleke na bê ti lo ti sara.

  • A lingbi ti mû maboko na mo ti hinga mo wani nzoni.

  • A lingbi ti mû maboko na mo ti hinga ye so Nzapa aye ti tene mo sara.

Nzapa aye ti tene mo diko Bible, mo manda ni nga mo ye ni.