Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

13. Bâ fini so Nzapa amû na e na nene ni

13. Bâ fini so Nzapa amû na e na nene ni

1 BÂ FINI SO NZAPA AMÛ NA E NA NENE NI

“Mo la mo mû fini na aye kue.”—Psaume 36:9

E yeke fa so e bâ fini na nene ni tongana nyen?

2 MÊNË AYE TI TENE FINI

“Fini ti ye kue so ayeke na nyama ti terê ayeke mênë ti lo, ndali ti so fini ayeke na yâ ni.” —Lévitique 17:14

Bango ndo ti Nzapa na ndö ti fini na mênë ayeke so wa?

3 AYE SO JÉHOVAH AMÛ LEGE TI TENE A SARA NA MÊNË

“Mênë ti . . . Jésus asukula e na a zi asiokpari kue awe.”—1 Jean 1:7

Nyen la sacrifice ti Jésus amû lege na e ti wara?

  • Lévitique 17:11

    Na ngoi ti giriri, tongana azo ti Israël asara lani siokpari, ala lingbi ti hunda Jéhovah ti pardonné ala na lege so ala mû mbeni nyama na sacrifice nga ala hunda na prêtre ti tuku mbeni mênë ni na ndö ti gbalaka.

  • Matthieu 20:28; aHébreu 9:11-14

    Na ngoi so Jésus aga na sese, lo mû fini ti lo, wala mênë ti lo, na place ti sacrifice ti anyama so ndia ahunda ti pardonné asiokpari ti e.

  • Jean 3:16

    Fini ti Jésus ayeke lani kota mingi ni la na peko ti so Jéhovah azingo lo ti wara fini na yayu, Jéhovah amû na azo kue so amä na bê na Jésus lege ti wara fini ti lakue lakue.