1 AKAMARADE TI JÉHOVAH AMÄ YANGA TI LO

“Ala mä yanga ti mbi, mbi yeke ga Nzapa ti ala, na ala yeke ga azo ti mbi.”—Jérémie 7:23

Zo alingbi ti ga kamarade ti Nzapa?

2 JOB AYEKE LANI KAMARADE TI NZAPA NGA LO NGBÂ BE-TA-ZO NA LO

“Na yâ ti aye so kue, Job asara siokpari pëpe wala lo tene pëpe so Nzapa asara mbeni ye ti sioni.”—Job 1:22

Tongana nyen la Satan aga na asioni ye na ndö ti Job? Job asara ye tongana nyen?

  • Job 1:10, 11

    Satan atene so Job aye gï ti wara ye na mbage ti Nzapa me lo ye lo pëpe.

  • Job 1:12-19; 2:7

    Jéhovah azia lege na Satan ti futi aye ti Job na Satan asara même si Job awara mbeni ngangu kobela.

  • Job 27:5

    Job ahinga lani pëpe ndani so lo yeke bâ pasi mingi, me lo ngbâ lani be-ta-zo.

3 SATAN AYEKE GI TI TENE MO GUE YONGORO NA JÉHOVAH

“Zo ayeke mû ye kue so lo yeke na ni ti bata fini ti lo.”—Job 2:4

Tongana nyen la Satan ayeke gi ti buba yâ ti songo ti e na Nzapa?

  • 2 aCorinthien 11:14

    Satan ayeke gi ti handa e ti tene e ke yanga ti Jéhovah.

  • A-Proverbe 24:10

    Lo yeke gi ti sara si e bâ so e kpa pëpe ti sara na Jéhovah.

  • 1 Pierre 5:8

    Satan ayeke sara ngangu na e.

  • A-Proverbe 27:11

    Soro ti mä yanga ti Jéhovah na ti duti kamarade ti lo so ayeke be-ta-zo. Ye so ayeke fa so Satan ayeke zo ti mvene.

4 E MÄ YANGA TI JÉHOVAH NDALI TI SO E YE LO

“Ndoye ti Nzapa ayeke so: e bata acommandement ti lo.”—1 Jean 5:3

Tongana nyen la mo lingbi ti ga kamarade ti Jéhovah?

  • Deutéronome 6:5

    Fa so mo ye Nzapa. Ye so ayeke mû maboko na mo ti mä yanga ti lo.

  • Ésaïe 48:17, 18

    Mä yanga ti Jéhovah, na mo yeke wara lakue nzoni ye na pekoni.

  • Deutéronome 30:11-14

    Duti na confiance so Jéhovah ayeke hunda na mo lâ oko pëpe ye so mo lingbi pëpe ti sara ni.

  • A-Philippien 4:13

    Sara ye so ayeke nzoni, na Jéhovah ayeke mû na mo ngangu so mo bezoin ni.