Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Anduru tënë ti Bible alingbi ti fa nyen na e?

10. Tâ tënë na ndö ti a-ange

10. Tâ tënë na ndö ti a-ange

1 A-ANGE AYEKE NA YÂ TI SEWA TI NZAPA

“Ala sepela Jéhovah, ala a-ange ti lo kue so ayeke na ngangu mingi.”—Psaume 103:20

Nyen la e hinga na ndö ti a-ange?

  • Job 38:4-7

    Jéhovah asara a-ange kozo ti tene lo sara sese.

  • Apocalypse 5:11

    A-ange ayeke kutu mingi.

  • 1 Pierre 1:11, 12

    Ye so Nzapa aleke na bê ti lo ti sara teti sese agbu lakue bê ti a-ange.

  • Luc 15:10

    Tënë ti azo so ayeke sara na Nzapa agbu bê ti a-ange mingi.

2 A-ANGE AMÛ MABOKO NA AWAKUA TI NZAPA

“Ange ti Jéhovah asara camp na terê ti azo so akpe mbeto ti Lo, na lo sö ala.”—Psaume 34:7

E hinga tongana nyen so a-ange alingbi ti mû maboko na azo?

3 ASIONI ANGE AGI TI SARA SIONI NA E

“Satan awara go na ndö ti e pëpe, ngbanga ti so e hinga nzoni mingi aye so lo ye ti sara.”—2 aCorinthien 2:11

Asioni yingo ayeke azo wa? Ngbanga ti nyen la ala yeke sioni?

  • Apocalypse 12:9

    Mbeni ange asara kpengbango-li na Jéhovah. A iri lo Satan.

  • Genèse 6:2

    Na ngoi ti Noé, ambeni ange asara kpengbango-li na ala ga lani na sese.

  • Matthieu 9:34

    A-ange so amû peko ti Satan na yâ ti kpengbango-li ti lo ni na ala ga asioni yingo.

  • Deutéronome 18:10, 11

    Asioni yingo ayeke sara kue ti gi ti handa azo nga ti sara sioni na ala.

4 MO LINGBI TI DÖ SESE NA SATAN NGA NA ASIONI YINGO

“Ala luti na Zabolo, lo yeke kpe ande yongoro na ala.” —Jacques 4:7

Tongana nyen la Jéhovah alingbi ti mû maboko na mo ti dö sese na Satan nga na asioni yingo?

  • Kusala 19:19

    Bi aye kue so asara si sarango yorö, magie, asioni yingo wala aye ti ndima akpa ye so ayeke sioni pëpe wala akpa ye ti ngia.

  • A-Éphésien 6:16, 18

    Sara si mabe ti mo akpengba na lege ti mandango Bible, nga sambela Nzapa ti bata mo.

  • A-Proverbe 18:10

    Di iri ti Jéhovah.