Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

“Zia ala ngbâ na yâ ti ndoye ti Nzapa”

 AMBENI TËNË

Zia lege ti sarango ngia na tere ti mo ti koli wala ti wali

Zia lege ti sarango ngia na tere ti mo ti koli wala ti wali

Sarango ngia na tere ti mo ti koli wala ti wali ayeke mbeni ye so anzere na lê ti Nzapa pëpe. A yeke sara si zo abi bê ti lo gi ti kaï anzara ti tere ti lo wani na a yeke sara si lo bi bê ti lo gi na ndo ti asioni ye. Zo so ayeke sara ka ngia na tere ti lo ti koli wala ti wali alingbi na nda ni ti bâ wali wala koli tongana senge ye ti kaï na nzara ti tere ti lo. Na lê ti lo, bungbingo koli na wali ayeke pëpe mbeni lege so koli na wali ti lo ayeke fa ndoye na popo ti ala, me a yeke mbeni sarango ye so nda ni ayeke gi ti wara nzerengo tere teti kete ngoi nga ti tene nzara ti tere ti lo adë. Me nzara ti tere ti lo ni ayeke dë gi teti kete ngoi. Ti tâ tënë ni, ahon ti tene sarango ye tongaso asara si amembre ti tere ti lo akui “tongana a ndu lango-sioni, sioni ye, nzara ti tere” so ayeke na lege ni pëpe, a yeke sara si anzara ni so alondo.—aColossien 3:5.

Bazengele Paul atene: “Aita so mbi ndoye ala mingi, . . . zia e sukula tere ti e wani ti zi aye kue so asara si tere na bibe aga sioni, nga na lege ti kpengo mbeto ti Nzapa zia e gi ti ga azo so ayeke nzoni-kue ahon ti kozo.” (2 aCorinthien 7:1). Tongana a yeke ngangu mingi na mo ti sara ye alingbi na atënë so, zia bê ti mo anze pëpe. Jéhovah “[a]ye ti pardone” zo lakue nga ti mû maboko na lo lakue (Psaume 86:5; Luc 11:9-13). Biani, so bê ti mo ayeke fâ ngbanga na ndo ti mo nga so mo yeke sara kue ti zia lege ti sioni sarango ye so, atâa so ngoi na ngoi mo yeke tï na yâ ni, a fa so mo yeke na nzoni bango ndo. Nga, dabe ti mo so “Nzapa ayeke kota ahon bê ti e, na lo hinga ye kue.” (1 Jean 3:20). Nzapa ayeke bâ gi asiokpari ti e pëpe, me lo yeke bâ e na asarango ye ti e kue. Ye so amû lege na lo ti dengi mê na sambela  ti e tongana e yeke toto na lo ti sara nzoni bê na e. Ni la, mo nze pëpe ti ga na mbage ti Nzapa na sambelango lo na tâ be-ti-molenge nga na bê ti mo kue, gi tongana ti so mbeni kete molenge ayeke gue na mbage ti babâ ti lo na ngoi so lo yeke na kpale. Jéhovah ayeke sara si mo duti na nzoni yingo-ti-hinga (Psaume 51:3-14, 19; Ésaïe 1:18). Biani, a lingbi mo sara ambeni mbilimbili ye so ague oko na atënë so mo tene na yâ ti sambela ti mo. Na tapande, a lingbi mo sara kue ti kpe alege nde nde ti bango porno nga na asioni kamarade.

Atâa so kue, tongana kpale ti mo ni angbâ, e wa mo ti sara lisoro na ndo ni na babâ wala mama ti mo so ayeke ita, wala na mbeni kamarade ti mo so ayeke biazo na lege ti yingo so lo ye mo mingi. *aProverbe 1:8, 9; 1 aThessalonicien 5:14; Tite 2:3-5.

^ par. 1 Ti hinga ambeni mbilimbili ye ti sara ti zia lege ti sarango ngia na tere ti mo ti koli wala ti wali, bâ article “Les jeunes s’interrogent . . . Comment vaincre cette habitude?” na yâ ti Réveillez-vous! ti novembre 2006. Bâ nga lembeti 178-182 ti buku Les jeunes s’interrogent — Réponses pratiques, volume 1.