Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

“Zia ala ngbâ na yâ ti ndoye ti Nzapa”

Lettre ti Bebungbi

Lettre ti Bebungbi

Mo so mo ndoye Jéhovah mingi:

Jésus atene: “Ala yeke hinga ande tâ tënë, na tâ tënë ayeke zi ala.” (Jean 8:32). Biani, atënë so ayeke atënë ti dengo bê! Zo alingbi ti hinga tâ tënë, même na “alango ti nda ni” so ayeke ngangu nga so mvene ahon ndo ni (2 Timothée 3:1). Mo dabe ti mo na lango so mo ga ti hinga tâ tënë so ayeke na yâ ti Bible? So nzerengo tere na mo lani!

Ye oko, atâa so ti hinga tâ tënë nga ti fa ni lakue na ambeni zo ayeke kota ye, a lingbi sarango ye ti e nga ague oko na tâ tënë ni. Ti sara tongaso, a lingbi e ngbâ na yâ ti ndoye ti Nzapa. So aye ti tene nyen? Atënë so Jésus atene lani na bï kozo si lo kui akiri tënë na hundango ndo so. Lo tene na abazengele ti lo, lo tene: “Tongana ala bata acommandement ti mbi, ala yeke ngbâ na yâ ti ndoye ti mbi, tongana ti so mbi bata acommandement ti Babâ na mbi ngbâ na yâ ti ndoye ti lo.”—Jean 15:10.

Bâ so Jésus angbâ lani na yâ ti ndoye ti Nzapa na lege so lo bata acommandement ti Babâ ti lo. Tënë so abâ nga e laso. Tongana e ye ti ngbâ na yâ ti ndoye ti Nzapa, a yeke nzoni e sara ye alingbi na tâ tënë lâ na lâ. Gi na oko bï ni so, Jésus atene: “Tongana ala hinga aye so, ala yeke duti na ngia tongana ala sara ni.”—Jean 13:17.

E ye si buku so amû maboko na mo ti ngbâ ti sara ye alingbi na tâ tënë na yâ ti gigi ti mo kue ti tene mo “ngbâ na yâ ti ndoye ti Nzapa . . . si [mo] wara fini ti lakue lakue.”—Jude 21.

Bebungbi ti aTémoin ti Jéhovah