Gue na tënë ti yâ ni

Gue na li ti atënë ni

Atënë ti tongo nda ni ti mbage 7

Atënë ti tongo nda ni ti mbage 7

Mbage so asara tënë na ndö ti mbaï ti fini ti Gbia Saül nga na ti Gbia David. Na tongo nda ni, Saül ayeke lani zo so asara terê ti lo kete nga lo kpe mbeto ti Nzapa, me gï kete na pekoni lo changé na lo komanse ti ke ti mû peko ti fango lege ti Jéhovah. Jéhovah ake lo, nga ambeni ngoi na pekoni, Lo hunda na Samuel ti soro David ti ga ande gbia ti Israël na peko ti Saül. Bê ti Saül ason na lo tara fani mingi ti fâ David, me David akiri pekoni na lo lâ oko ape. Jonathan, so ayeke molenge ti Saül, ahinga so Jéhovah asoro David, ni la lo yeke be-ta-zo na David. David asara ambeni kota siokpari, me lo yeda lakue na asengo ndo ti Jéhovah. Tongana mo yeke babâ wala mama, fa na molenge ti mo ti bâ tongana nyen la a yeke kota ye ti mû lakue mbage ti aye so Nzapa aleke.

NA YÂ TI MBAGE SO

Kozo gbia ti Israël

Nzapa amû ajuge ti fa lege na azo ti Israël, me ala ye mbeni gbia. Samuel asoro Saül ti ga kozo gbia, me na pekoni Jéhovah ake Saül. Ngbanga ti nyen?

David na Goliath

Jéhovah asoro David ti ga fini gbia ti Israël, na David afa biani so a soro lo na lege ni.

David na Saül

Ngbanga ti nyen la koli so ake mba ti lo, na lo so mba ti lo ni ake lo so, asara ye tongana nyen?

Jonathan asara ye na mbeto ape nga lo yeke be-ta-zo

Molenge ti gbia aga kota kamarade ti David.

Siokpari so Gbia David asara

Mbeni sioni desizion ayeke ga na akota kpale.