Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Aye so mo lingbi ti manda na lege ti Bible

 YE TI MANDA 29

Jéhovah asoro Josué

Jéhovah asoro Josué

Moïse amû li ni teti angu mingi na ndö ti azo ti Israël, na fadeso lo ga nduru ti kui awe. Jéhovah atene na lo: ‘Mo la mo yeke linda ande na azo ti Israël na Sese ti Zendo ape. Me mbi yeke fa gï na mo sese ni.’ Na pekoni, Moïse ahunda Jéhovah ti soro mbeni fini mokonzi ti bâ lege ti azo ti Israël. Jéhovah atene na lo: ‘Gue na mbage ti Josué, na tene na lo so a yeke lo la mbi soro lo.’

Moïse atene na azo ti mara ni so lo ga nduru ti kui awe nga so Jéhovah asoro Josué ti gue na ala na Sese ti Zendo. Na pekoni, Moïse atene na Josué: ‘Sara mbeto pëpe. Jéhovah ayeke mû maboko na mo.’ Kete na pekoni, Moïse ague na li ti Hoto ti Nébo, kâ Jéhovah afa na lo sese so Lo mû zendo ni lani ti mû na Abraham, Isaac nga na Jacob. Moïse ayeke na ngu 120 tongaso na ngoi so lo kui.

Jéhovah atene na Josué: ‘Fâ Ngu ti Jourdain, na gue na kodro ti Canaan. Mbi yeke mû maboko na mo gï tongana ti so mbi mû maboko lani na Moïse. Sara kue ti diko Ndia ti mbi lâ na lâ. Sara mbeto pëpe. Luti tongana koli. Gue mo sara ye so mbi mû yanga na mo ti sara.’

 Josué atokua azo ti bembengo ndo use na gbata ti Jéricho. Na yâ ti mbaï ti peko, e yeke manda ande ye mingi na ndö ti ye so asi kâ. Na ngoi so ala kiri, ala tene so a yeke nzoni ngoi ti gue na Canaan la. Na ndade ni, Josué atene na azo ti mara ni ti leke terê ti ala ti hon. Na pekoni, lo tokua aprêtre so ayeke yô ka arche ti mbele ti mû devant ti fâ Ngu ti Jourdain. Ngu ni asuku. Me gï na ngoi so gere ti aprêtre ni adö ngu ni, ngu ni asua encore ape nga adiminué! Aprêtre ni atambela juska ala luti na milieu ti ngu ni na ala ku ti tene azo ti mara ti Israël ni kue afâ ngu ni si. Mo pensé miracle so adabe ti ala na ye so Jéhovah asara lani na Ngu-Bengba?

Na peko ti angu so kue, azo ti Israël asi fadeso na Sese ti Zendo. Ala lingbi ti leke ada nga na agbata. Ala peut ti fâ yaka, ti lu keke ti vigne nga na ambeni lê ti keke. A yeke mbeni sese so lait na mafuta ti otoro asi singo dä.

“Jéhovah ayeke fa lege na ala lakue na lo yeke zia ngia na bê ti ala, même tongana ala yeke na ndo so ahule ngangu.”​—Ésaïe 58:11