Gue na tënë ti yâ ni

Gue na li ti atënë ni

Atënë ti tongo nda ni ti mbage 6

Atënë ti tongo nda ni ti mbage 6

Na ngoi so azo ti Israël asi fadeso na Sese ti Zendo, tabernacle aga ndo so a voro tâ Nzapa dä. Aprêtre ayeke fa lani Ndia, nga ajuge ayeke fa lege na amara ni. Mbage so ayeke fa tongana nyen la adesizion so mbeni zo ayeke mû nga na asarango ye ti zo ni alingbi ti sara ye mingi na ndö ti amba ti lo. Azo ti Israël oko oko adoit ti duti be-ta-zo na Jéhovah nga na amba ti ala. Bâ tongana nyen la nzoni sarango ye ti Déborah, Naomi, Josué, Hannah, molenge ti Jephté ti wali nga na Samuel asara na ndö ti azo ti ndo so ala yeke dä. Bâ nga tongana nyen la même ambeni zo so ayeke azo ti Israël ape, na tapande Rahab, Ruth, Jaël nga na azo ti Gabaon, asoro ti mû mbage ti azo ti Israël ndali ti so ala hinga so Nzapa ayeke na ala.

NA YÂ TI MBAGE SO

Jéhovah asoro Josué

Nzapa amû andia na Josué so alingbi mû maboko na e laso nga.

Rahab ahonde azo ti bembengo ndo

Gbagba ti Jéricho atuku kue na sese. Me da ti Rahab angbâ na nduzu, atâa so a leke ni na ndö ti mur ti gbagba ti kodro ni.

Josué na azo ti Gabaon

Josué asambela Nzapa: “Lâ, mo luti!” Nzapa akiri tënë tongana nyen?

Fini mokonzi nga na ambeni ngangu wali use

Na peko ti so Josué akui, azo ti Israël akomanse ti voro ayanda. Gigi akpengba lani na ala, me ala wara mungo maboko na mbage ti Juge Barak, prophète-wali Déborah, nga na Jaël na piquet ti lo!

Ruth na Naomi

Awali use so koli ti ala akui akiri na kodro ti Israël. Mbeni oko ti awali ni, so ayeke Ruth, ague asara kua na yâ ti yaka, na kâ Boaz abâ lo.

Gédéon asö benda na ndö ti azo ti Madian

Na peko ti so azo ti Madian asara pasi na azo ti Israël, azo ti Israël atoto na Jéhovah ti aidé ala. Tongana nyen la kete wungo ti aturugu ti Gédéon asö benda na ndö ti awato ti ala so wungo ti aturugu ti ala ayeke 135000?

Hannah asambela ti wara molenge

Elcanah amû Hannah, Penninah, nga na amolenge ti lo ti gue ti voro Nzapa na tabernacle na Shilo. Kâ, Hannah asambela ti wara mbeni molenge-koli. Ngu oko na pekoni, lo dü Samuel!

Zendo so Jephté amû

Zendo wa la Jephté amû, nga ngbanga ti nyen la lo mû zendo ni? Molenge ti Jephté ti wali asara ye tongana nyen na gbele zendo so babâ ti lo amû?

Jéhovah asara tënë na Samuel

Amolenge ti kota prêtre Éli ayeke sara kua na tabernacle tongana aprêtre, me ala kpe andia ti Jéhovah ape. Maseka Samuel ayeke ti lo nde, na Jéhovah asara tënë na lo.

Jéhovah asara si Samson aga zo ti ngangu

Nzapa asara si Samson awara ngangu ti tiri na aPhilistin, me na ngoi so Samson asara mbeni erreur, aPhilistin agbu lo.