Gue na tënë ti yâ ni

Gue na li ti atënë ni

 YE TI MANDA 7

Tour ti Babel

Tour ti Babel

Na peko ti kota ngu so apika, amolenge ti Noé ti koli na awali ti ala adü gbâ ti amolenge. Ala ga gbani, na ala komanse ti mû ndö ti sese kue, gï tongana ti so Jéhovah ahunda na ala ti sara.

Me ambeni sewa ni ake ti mä yanga ti Jéhovah. Ala tene: ‘Zia e leke mbeni gbata na e ngbâ na yâ ni. E leke mbeni tour so li ni ayo juska na yayu. Tongaso si iri ti e awu.’

 Ye so azo so asara so anzere pëpe na Jéhovah. Tongaso, lo mû desizion ti kaï ye so ala ye ti sara so. Mo hinga ye so Jéhovah asara? Lo sara si gï hio tongaso ala sara tënë na ayanga ti kodro nde nde. Teti so ala lingbi pëpe ti mä amba ti ala, ala zia lege ti sarango kua ni. Gbata so ala yeke leke so a iri ni Babel, ndani aye ti tene “Kirikiri.” Azo ni akomanse ti gue na ambeni ndo nga ti mû ndö ti sese kue. Me ala ngbâ lakue ti sara gï ye ti sioni na yâ ti afini ndo so ala yeke dä so. Me eskê ambeni zo angbâ ti ye Jéhovah? E yeke bâ ande ni na yâ ti chapitre ti peko.

“Zo kue so ayâa iri ti lo, a yeke sara ande si lo ga kete, me zo so asara terê ti lo kete, a yeke yâa ande iri ti lo.”​—Luc 18:14