Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Aye so mo lingbi ti manda na lege ti Bible

 YE TI MANDA 76

Jésus azi saleté na yâ ti temple

Jésus azi saleté na yâ ti temple

Na nze ti mars wala avril ti ngu 30, Jésus ague na Jérusalem. Gbâ ti azo aga na yâ ti gbata ni ti sara Matanga ti Pâque. Tongana ti so a hunda ka ti sara na ngoi ti matanga ni, ala yeke mû asacrifice ti anyama na temple. Ambeni zo ayeke ga na anyama ti ala, me ambeni ayeke vo ni na Jérusalem.

Na ngoi so Jésus ague na temple, lo bâ so azo ayeke kä anyama na yâ ti temple ni. Ala yeke gi nginza tâ na yâ ti da so a yeke voro Jéhovah dä! Jésus asara ye tongana nyen? Lo mû akamba lo leke na zaza na lo tomba na ataba nga na abagara ni na gigi ti temple. Lo kinda atable ti azo so ayeke changé nginza nga lo tuku alê ti nginza ti azo  ni na sese. Jésus atene na azo so ayeke kä akolokoto, lo tene: ‘Ala mû aye so na ndo so ala hon na ni. Ala zia ti sara si da ti Babâ ti mbi aga da ti kango ye!’

Li ti azo so ayeke na temple akpe kue na ye so Jésus asara so. Adisciple ti lo arappelé na prophétie so a tene na ndö ti Messie, atene: ‘Nzara ti da ti Jéhovah asara mbi mingi.’

Na pekoni, na ngu 33, Jésus akiri azi saleté na yâ ti temple ti fani use ni. Lo peut ti yeda ape ti zia si mbeni zo abi nengo ti da ti Babâ ti lo na sese.

“Ala lingbi ti duti angbâa ti Nzapa nga na ti Mosoro pëpe.”​—Luc 16:13