Mbaï ti Bible akomanse na aye so Nzapa acréé. A zi lê ti e ti bâ apendere ye so Jéhovah asara, na yayu nga na sese. Tongana mo yeke babâ wala mama, mû maboko na molenge ti mo ti bâ aye nde nde so a créé ni so ahon gbungo li ti zo. Fa na lo so Nzapa acréé e azo nde mingi na anyama na lege so lo mû na e ngangu ti sara tënë, ti gbu li, ti créé mbeni ye, ti he bia nga ti sambela. Fa na lo ti kiri singila mingi na Jéhovah ndali ti ngangu, ndara nga mbilimbili ndoye ti lo ndali ti aye kue so lo créé, so andu nga e oko oko kue.