Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mä Nzapa si mo wara fini ti lakue lakue

 MBAGE 5

Na ngoi ti Noé, azo wa la amä yanga ti Nzapa? Azo wa la amä yanga ti lo pëpe?

Na ngoi ti Noé, azo wa la amä yanga ti Nzapa? Azo wa la amä yanga ti lo pëpe?

Na ngoi ti Noé, mingi ti azo asara ye ti sioni. Genèse 6:5

Adam na Ève adü amolenge na azo awu na ndo ti sese. Ambeni ange atï nga na peko ti Satan ti ke yanga ti Nzapa.

Ala ga na sese na ala mû tere ti zo na ala mû awali. Awali ni adü na ala amolenge so ayeke nde na tanga ti azo. Amolenge ni ayeke sioni mingi nga ngangu mingi.

Azo ti sioni awu na ndo ti sese ni. Bible atene: “Sioye ti zo ayeke kota na sese; lakue, suma kue ti bibe ti bê ti zo ayeke gi sioni.”

 Noé amä yanga ti Nzapa na lo sara arche. Genèse 6:13, 14, 18, 19, 22

Noé ayeke nzoni zo. Jéhovah atene na Noé so ni yeke sara si kota ngu apika ti futi asioni zo.

Nzapa ahunda nga na Noé ti sara mbeni kota bateau, so a iri ni arche na lo mû asewa ti lo nga mara ti anyama nde nde kue na yâ ni.

Noé asara tënë ti kota ngu ni na azo me ala mä lo pëpe. Ambeni ahe lo nga ambeni ake lo bê oko.

Tongana Noé ahunzi ti sara arche ni awe, lo mû anyama ni na yâ ni.

TI HINGA AMBENI TËNË

Ngbanga ti nyen Nzapa azia lege na aye ti sioni nga na pasi?

Sioni abâ gigi tongana nyen, na ndali ti nyen si Nzapa azia lege na ni juska laso? Pasi ayeke hunzi ande la?