Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mä Nzapa si mo wara fini ti lakue lakue

 MBAGE 3

Gigi na yâ ti paradis ayeke lani tongana nyen?

Gigi na yâ ti paradis ayeke lani tongana nyen?

Jéhovah amû lani anzoni ye mingi na Adam na Ève. Genèse 1:28

Jéhovah asara kozo wali, Ève, lo ga na lo na Adam na lo ga wali ti lo.—Genèse 2:21, 22.

Jéhovah asara ala nzoni-kue, sioni oko ayeke na tere ti ala pëpe.

Yaka ti Éden ayeke ndo ti ala na ayeke paradis. Ndo ni ayeke pendere mingi; mo yeke wara na yâ ni kota ngu, akeke so ayeke lë nga na anyama.

Jéhovah ayeke sara lani tënë na ala; lo yeke fa ye na ala. Tongana ala mä lani yanga ti lo, ka ala yeke ngbâ na fini teti lakue lakue na yâ ti paradis na ndo ti sese.

 Nzapa atene na ala ti te lê ti mbeni keke pëpe. Genèse 2:16, 17

Jéhovah afa na Adam na Ève mbeni keke ti yâ ti yaka ni na lo tene na ala so tongana ala te lê ni, ala yeke kui.

Mbeni ange asara kpengba-li na Nzapa. Ange ni so ayeke Satan Zabolo.

Satan aye si Adam na Ève amä yanga ti Jéhovah pëpe. Tongaso lo mû mbeni ngbo ti sara tënë na Ève. Lo tene na Ève so tongana lo te lê ti keke ni, lo yeke kui pëpe, me lo yeke ga tongana Nzapa. Andâ a yeke mvene.—Genèse 3:1-5.

TI HINGA AMBENI TËNË

Ye so Nzapa aye ti sara teti sese ayeke nyen?

Bible afa ndani so Nzapa aleke sese, nga lawa si pasi ayeke hunzi. A fa nga sese ni ayeke ga ande nyen nga azo wa la ayeke duti ande na ndo ni.