Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mä Nzapa si mo wara fini ti lakue lakue

 MBAGE 1

E yeke mä Nzapa tongana nyen?

E yeke mä Nzapa tongana nyen?

Nzapa asara tënë na e na lege ti Bible. 2 Timothée 3:16

Tâ Nzapa afa lani lege na ambeni zo ti sû atënë ti bê ti lo na yâ ti mbeni mbeti. Mbeti ni so ayeke Bible. Na yâ ni, a yeke wara atënë so Nzapa aye ti tene mo hinga ni.

Nzapa ahinga tâ ye so ayeke nzoni ndali ti e, nga ndara kue alondo gi na lo. Tongana mo mä lo, mo yeke ga tâ zo ti ndara.—aProverbe 1:5.

Nzapa aye si azo kue na ndo ti sese adiko Bible. Laso, a yeke wara Bible na ayanga ti kodro mingi.

Tongana mo ye ti mä Nzapa, a yeke nzoni mo diko Bible na mo gi ti mä yâ ti atënë ni.

 Na ndo ti sese kue, azo ayeke mä tënë ni. Matthieu 28:19

A-Témoin ti Jéhovah alingbi ti mû maboko na mo ti mä yâ ti Bible.

Na ndo ti sese kue, ala yeke fa na azo tâ tënë na ndo ti Nzapa.

Mo yeke futa nginza pëpe ndali ti ye so ala yeke fa na mo. Mo lingbi nga ti manda ye na ndo ti Nzapa na Da ti Royaume ti aTémoin ti Jéhovah.

TI HINGA AMBENI TËNË

E hinga tongana nyen so atënë ti Bible ayeke tâ tënë?

Tongana Bible ayeke tënë ti Nzapa, a yeke nzoni lo yeke nde na tanga ti abuku kue so a sû ni.

Bible alondo na zo wa?

So azo la asû lani atënë ni, ngbanga ti nyen a iri Bible “tënë ti Nzapa”? Atënë ti zo wa la ayeke na yâ ti Bible?

Nzoni tënë ni alondo biani na Nzapa?

E hinga tongana nyen so Bible atene tâ tënë?