Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Jésus: Lege ni, tâ tënë na fini

 CHAPITRE 74

Lo mû wango na ndo ti tënë ti yambango agene nga na sambela

Lo mû wango na ndo ti tënë ti yambango agene nga na sambela

LUC 10:38–11:13

  • JÉSUS AGUE TI BÂ MARIE NA MARTHE

  • TI NGBÂ TI SAMBELA AYEKE KOTA YE MINGI

Tongana mo descend na mbage ti est ti Hoto ti akeke ti olive, nduru na kilomètre ota tongaso, mo yeke wara kodro ti Béthanie (Jean 11:18). A yeke na ndo so la Jésus ague dä. Lo gue na ndo ti Marie na Marthe, so ayeke aita. Ala na ita ti ala ti koli, Lazare, ayeke akamarade ti Jésus. Ala yamba lani Jésus nzoni mingi.

So Messie aga na yanga-da ti ala so, pasa la ala wara so. Marthe aye ti yamba Jésus nzoni, ndali ni la lo komanse ti leke amara ti akobe nde nde. Na ngoi so Marthe angbâ ti sara kua, ita ti lo Marie aduti ti lo na tere ti gere ti Jésus na lo yeke mä atënë so Jésus ayeke tene. A si na mbeni ngoi, Marthe atene na Jésus atene: “Seigneur, a sara ye oko na mo ape so ita ti mbi ti wali azia mbi gi mbi oko ti sara kua? Tene na lo ti ga ti mû maboko na mbi.”—Luc 10:40.

Me, a hon ti suku na Marie, Jésus amû gi wango na lo Marthe ni ndali ti so lo yeke gi bê ti lo mingi na ndo ti aye ti mitele. Jésus atene: “Marthe, Marthe, mo yeke gi bê ti mo ndali ti aye mingi na li ti mo ayeke kpô ape. A hunda nga aye mingi ape, même gi ye oko alingbi awe. Ti Marie, lo soro nzoni mbage ni, na a yeke zi ni na tïtî lo ape.” (Luc 10:41, 42). Biani, Jésus afa polele na lo so, lo bezoin fade ti leke gbâ ti akobe nde nde ape, gi mbeni kete kobe apeut ti lingbi fade.

Bibe ti Marthe so ayeke sioni ape, lo ye gi ti yamba Jésus nzoni. Me, so lo zia gi bê ti lo kue na ndo ti tënë ti tongo kobe, a sara si lo wara même lege ape ti mä afango ye ti Molenge ti Nzapa! Jésus afa so Marie asara ye na ndara. Ye so lo sara so aga na lo ye ti nzoni mingi na pekoni, na e nga kue e lingbi ti manda ye dä.

Na ambeni ngoi nde na pekoni, Jésus afa tënë na ndo ti mbeni ye nde, me so e lingbi nga ti manda ye dä. Mbeni disciple ahunda lo atene: “Seigneur, fa na e tongana nyen ti sambela, tongana ti so Jean afa ni nga na adisciple ti lo so.” (Luc 11:1). Jésus asara tënë ni lani awe, a sara ngu oko na ndambo tongaso, na yâ ti fango ye ti lo na ndo ti Hoto (Matthieu 6:9-13). Me, peut-être disciple ni so ayeke lani dä ape, tongaso Jésus akiri afa akota tënë ti yâ ni. Na pekoni, na lege ti mbeni tapande, Jésus afa so ayeke kota ye ti ngbâ ti sambela.

Lo tene: “Bâ so mbeni oko na popo ti ala ayeke na mbeni kamarade, na lo gue na ndo ti kamarade ni na bê ti bï, lo tene na lo: ‘Kamarade, sara na mbi bon ti mapa ota, ngbanga ti so mbeni kamarade ti mbi alondo na voyage asi gi fafadeso, na mbi yeke na mbeni ye ti mû na lo ti te ape.’ Kamarade ti lo ni angbâ na yâ ti da kâ atene: ‘Zia ti son li ti mbi. Yanga-da akanga awe, na mbi na akete molenge ti mbi e yeke na ndo ti gbogbo. Mbi lingbi ti londo ti mû mbeni ye na mo ape.’ Mbi tene na ala: Nyen na nyen, lo yeke londo ande ti mû na kamarade ti lo ni aye so lo yeke na bezoin ni. A yeke pëpe ndali ti so zo ni ayeke kamarade ti lo, me ndali ti so lo ngbâ gi ti hunda ye ni.”—Luc 11:5-8.

Jésus aye pëpe ti tene so Jéhovah aye ka pëpe ti kiri tënë na asambela ti e, tongana ti so koli so asara. Lo ye ti fa so, même mbeni zo so aye ti mû ye na kamarade ti lo ape ayeke mû ni na lo ngbanga ti so mba ti lo ni angbâ ti hunda ni. Me, Babâ ti e ti yayu, so ayeke ti lo na ndoye, ayeke kiri tënë biani na adema ti awakua ti lo so ayeke be-ta-zo na lo. Jésus akiri atene: “Mbi tene na ala: Ala ngbâ ti hunda ye, na a yeke mû ni na ala. Ala ngbâ ti gi ye, na ala yeke wara ni. Ala ngbâ ti pika yanga-da, na a yeke zi ni na ala, ndali ti so zo kue so ayeke hunda ye, a yeke mû ni na lo, zo kue so ayeke gi ye ayeke wara ni, na zo kue so ayeke pika yanga-da, a yeke zi ni na lo.”—Luc 11:9, 10.

Na pekoni, ti sara si tënë ti lo ni asigi polele encore, Jésus asara mbeni hakango ye. Lo tene: “Na popo ti ala so, babâ wa tongana molenge ti lo ahunda susu, lo yeke mû na lo ngbo ahon ti mû na lo susu? Wala tongana molenge ni ahunda nga para ti kondo, lo yeke mû na lo kpalakongo? Asingana ala so, atâa so ala yeke sioni, ala hinga tongana nyen ti mû anzoni matabisi na amolenge ti ala, si Babâ so ayeke na yayu ayeke mû yingo vulu na ala so ahunda ni na lo ape?” (Luc 11:11-13). A dë bê ti e mingi ti hinga so, Babâ ti e ti yayu aye mingi ti mä e nga ti mû na e aye so e yeke na bezoin ni.