Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Jésus: Lege ni, tâ tënë na fini

 CHAPITRE 60

Changengo ti tere ti Jésus: A bâ Christ na yâ ti gloire ti lo

Changengo ti tere ti Jésus: A bâ Christ na yâ ti gloire ti lo

MATTHIEU 16:28–17:13 MARC 9:1-13 LUC 9:27-36

  • VISION TI CHANGENGO TI TERE TI CHRIST

  • ABAZENGELE AMÄ GO TI NZAPA

Jésus ayeke fa ye na azo na yâ ti kodro ti Césarée ti Philippe. Kodro ni so ayo kilomètre 25 na Hoto ti Hermon. Na ngoi so Jésus ayeke fa ye, lo sara mbeni tënë so apika bê ti abazengele ti lo mingi, lo tene: “Ti tâ tënë ni, mbi tene na ala: Na popo ti azo so aluti ge so, ambeni ayeke kui ande pëpe juska ala bâ Molenge ti zo aga na yâ ti Royaume ti lo kozoni si.”—Matthieu 16:28.

Adisciple ni adoit ti gi bê ti ala na ndo ti nda ti tënë ti Jésus so. Dimanche oko tongaso na pekoni, lo mû Pierre, Jacques na Jean, lo gue na ala na ndo ti mbeni hoto so ayo na nduzu mingi. Peut-être a yeke na bï la, ndali ti so lango asara adisciple ota so. Na ngoi so Jésus angbâ ti sambela, tere ti lo achangé na lê ti ala. Ala bâ lê ti lo asu tongana lâ nga abongo ti lo aza zango tongana lumière, a vuru tarara.

Na pekoni, ala bâ “Moïse na Élie” so aga si akomanse ti sara tënë na Jésus na ndo ti “hongo ti lo so adoit ti si na Jérusalem.” (Luc 9:30, 31). Hongo ti Jésus ni aye ti sara tënë ti kuâ ti lo nga na ti zingongo lo na kuâ, so lo sara tënë ni na ala ade ti ninga ape (Matthieu 16:21). Lisoro ni so afa so Jésus alingbi pëpe ti kpe ti kui kuâ ti kamene so, nde na wango so Pierre amû na lo.

So lango ni ahon na lê ti ala awe, li ti abazengele ota so akpe na ye so ala bâ nga ala mä so. So mbeni vision la! Me na lê ti Pierre a kpa tâ ye, a sara si lo komanse ti sara tënë, lo tene: “Rabbi, a yeke nzoni e ngbâ ge. Zia e leke atente ota, oko ti mo, oko ti Moïse na oko ti Élie.” (Marc 9:5). Eskê Pierre aye fade ti tene lo leke atente ni so tongaso si vision ni so aninga kete?

Na ngoi so Pierre angbâ ti sara tënë, mbeni mbinda so aza zango aga amû ndo ti ala kue na mbeni go asara tënë na yâ ni atene: “So ayeke Molenge ti mbi so mbi ye lo mingi, lo zia ngia na bê ti mbi mingi. Ala mä lo.” Na mango go ti Nzapa, mbeto asara abazengele ni na ala sara agenou ala kpo li ti ala na sese, me Jésus atene na ala: “Ala londo, ala sara mbeto ape.” (Matthieu 17:5-7). Tongana ala londo awe, abazengele ni abâ mbeni zo nde ape, gi Jésus lo oko awe. Vision ni ahunzi awe. Tongana ndo ahan awe, ala londo na li ti hoto ni ala descend, na Jésus amû yanga na ala, lo tene: “Ala sara tënë ni na zo ape juska a zingo Molenge ti zo na kuâ si.”—Matthieu 17:9.

So ala bâ Élie na yâ ti vision ni, a sara si mbeni hundango ndo alondo. Abazengele ni ahunda ndo atene: “Ngbanga ti nyen si ascribe atene so a lingbi Élie aga kozoni si?” Jésus atene na ala: “Élie aga awe, me azo ahinga lo ape.” (Matthieu 17:10-12). Jésus ayeke sara tënë ti Jean Baptiste la, so asara oko kua so Élie asara ândö. Élie aleke lani lege ndali ti Élisée, na Jean aleke ti lo lege ndali ti Jésus.

Biani, vision so amû ngangu na Jésus nga na abazengele ti lo. A yeke mbeni yanga ti gloire ti Jésus na yâ ti Royaume ti lo ande la. Tongaso adisciple ni abâ “Molenge ti zo aga na yâ ti Royaume ti lo”, tongana ti so Jésus amû zendo ni na ala (Matthieu 16:28). So ala yeke fade na ndo ti hoto ni, ala yeke ‘azo so abâ gloire ti lo tâ na lê ti ala.’ Atâa so aFarizien aye lani ti tene a fa na ala mbeni fä so afa atene Jésus ayeke Gbia so Nzapa asoro lo, Jésus afa mbeni fä oko na ala ape. Me gi adisciple so ayeke nduru na tere ti Jésus la awara lege ti bâ tere ti lo so si achangé na lê ti ala, so afa gango tâ tënë ti aprophétie so andu Royaume ni. Ni la si na pekoni Pierre atene: “E yeke na tënë ti prophétie ni so akiri aga tâ ye ahon ti kozo.”—2 Pierre 1:16-19.

TI HINGA AMBENI TËNË

Pierre angbâ be-ta-zo na yâ ti atara

Tongana nyen la mabe nga na dutingo be-ta-zo amû maboko na Pierre ti yeda na sengo ndo ti Jésus?