Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Jésus: Lege ni, tâ tënë na fini

 CHAPITRE 6

Molenge so a sara tënë ti lo lani

Molenge so a sara tënë ti lo lani

LUC 2:21-39

  • NA PEKO TI SO A FÂ JÉSUS NA GANZA, A GUE NA LO NA TEMPLE

Joseph na Marie angbâ na Bethléhem ahon ti tene ala kiri na Nazareth. Tongana a dü Jésus asara lango miombe awe, a lingbi a fâ lo na ganza tongana ti so Ndia ti Nzapa ahunda (Lévitique 12:2, 3). A yeke nga na lango ni so la si a yeke zia iri na ndo ti molenge ni. Tongaso, Joseph na Marie azia iri ti molenge ti ala ni Jésus, gi tongana ti so ange Gabriel afa lani.

Nze oko tongaso na pekoni, Jésus awara lango 40. Fadeso, Joseph na Marie ayeke gue na lo na ndo wa? Ala gue na lo na temple na Jérusalem, so ayo mingi ape na kodro so ala yeke dä. Ndia afa so, tongana mbeni wali adü mbeni molenge-koli, lango 40 na pekoni, a lingbi lo gue na temple, lo mû mbeni sandaga ti zi sioni na tere ti lo.—Lévitique 12:4-7.

Marie asara nga tongaso. Lo gue na akete ndeke use ti mû ni na offrande. Ye so aye ti fa na e so Joseph na Marie ayeke lani azo so ayeke na moyen ape. Ndia afa so zo adoit ti mû koli-taba oko nga na mbeni ndeke na offrande. Me, tongana mama ti molenge ni ayeke na koli-taba ape, lo peut ti mû gi akolokoto use wala lo peut ti mû apigeon use awe. Ni la, teti so Marie ayeke na moyen ape, lo sara tongaso.

Tongana Joseph na Marie asi na temple awe, mbeni mbakoro-koli aga nduru na tere ti ala. Iri ti lo ayeke Siméon. Nzapa atene lani na lo so, kozo ti tene lo kui, lo yeke bâ ande Christ wala Messie so a mû lani zendo ti lo. Yingo vulu ti Nzapa apusu Siméon ti ga na temple na lango ni so, na ge lo tingbi na Joseph na Marie na kete bébé ti ala. Siméon angbâ ayô bébé ni na maboko ti lo.

Na ngoi so Jésus angbâ na yâ ti maboko ti lo, Siméon akiri merci na Nzapa atene: “Fadeso, Kota Gbia ti dunia kue, mo zia lege na mbi ngbâa ti mo ti gue na siriri tongana ti so mo tene, ndali ti so mbi bâ na lê ti mbi awe zo so ayeke sö azo, lo so mo mû lo ti tene azo ti akodro kue abâ lo. Lo yeke lumière so ayeke zi voile so asara si amara ayeke na yâ ti bingo, nga lo yeke gloire ti azo ti mo, azo ti Israël.”—Luc 2:29-32.

Tongana Joseph na Marie amä mara ti tënë ni so, li ti ala akpe. Siméon angbâ airi tufa na ndo ti ala nga lo tene na Marie so, ndali ti molenge ti lo ni so, “azo mingi so ayeke na Israël ayeke tï nga ala yeke kiri ti londo” na fade vundu ayeke sara lo Marie ni mingi, mo bâ mo tene mbeni zango épée la akpo lo alï.—Luc 2:34.

Mbeni zo nga nde ayeke dä na lango ni so. A yeke Anne, mbeni prophète-wali so ayeke na ngu 84. Lo manqué lâ oko ti gue na temple ape. Tâ gi na ngoi ni so, lo ga na tere ti Joseph na Marie nga na bébé ti ala Jésus. Anne akomanse ti kiri merci na Nzapa nga ti sara tënë ti Jésus na azo kue so aye ti mä lo.

Aye so asi lani na temple so adoit ti nzere lani na Joseph na Marie mingi! A yeke tâ tënë, aye so apassé so afa biani so molenge ti ala so ayeke lani Messie so Nzapa asara tënë ti lo.