Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Jésus: Lege ni, tâ tënë na fini

 CHAPITRE 8

Ala kpe mbeni sioni gbia

Ala kpe mbeni sioni gbia

MATTHIEU 2:13-23

  • SEWA TI JÉSUS AKPE AGUE NA ÉGYPTE

  • JOSEPH AGUE NA AZO TI SEWA TI LO NA NAZARETH

Joseph azingo Marie na lango, na lo fa na lo peko ti mbeni ngangu tënë. Ange ti Jéhovah alondo ti tene na lo na yâ ti bango li atene: “Londo, mo mû kete molenge ni nga na mama ti lo, mo kpe na Égypte. Ngbâ kâ juska mbi mû yanga na mo si, ngbanga ti so Hérode aye ti gi kete molenge ni ti fâ lo.”—Matthieu 2:13.

Droit, Joseph na Marie amû molenge ti ala akpe na ni na bï ni so. Ala sara ni tâ na ngoi ni, ndali ti so Hérode amä a tene azo ti gingo nda ti aye na lege ti atongoro ahanda lo. Lo tene lani na ala ti ga ti fa na lo ndo so Jésus ayeke dä. Nde na so, ala quitté kodro ni sân ti fa na lo peko ti aye ni so. Ngonzo ti Hérode aga wâ. Ni la, ndali ti so lo ye ti fâ gi Jésus, lo hunda ti tene a fâ akete molenge-koli kue ti Bethléhem nga na ti agbata so kue ayeke na tere ni, so ngu ti ala alondo na ngu use ti kiri na gbe ni. Lo fa mara ti ngu tongaso alingbi na ye so lo mä lani na mbage ti azo ti gingo nda ti aye na lege ti atongoro so alondo na mbage ti est.

So tâ sioni ye ti fâ molenge-koli kue tongaso! E hinga wungo ti amolenge-koli oke la a fâ lani ape. Me, atoto na adema ti amama ti amolenge so asara si prophétie ti Bible, so Nzapa atene na lege ti prophète ti lo Jérémie, aga tâ tënë.—Jérémie 31:15.

Na ngoi ni so, Joseph na sewa ti lo akpe ti ala depuis na Égypte awe, na ala sara kodro kâ. Me na mbeni bï tongaso, ange ti Jéhovah aga na yâ ti bango li na Joseph. Ange ni atene: “Londo, mo mû kete molenge ni nga na mama ti lo, mo kiri na sese ti Israël, ndali ti so azo so ayeke gi lani ti hunzi fini ti kete molenge ni akui awe.” (Matthieu 2:20). Fadeso, Joseph ahinga so a lingbi ala kiri na kodro ti ala. Ge encore, mbeni prophétie ti Bible aga tâ tënë, so a tene fade a yeke iri molenge ti Nzapa ti sigi na Égypte.—Osée 11:1.

Âmanke Joseph aleke lani ti tene lo na sewa ti lo angbâ na Judée, peut-être nduru na gbata ti Bethléhem, na ndo so ala lango dä kozoni si ala gue na Égypte. Me, lo mä so a yeke Archélaüs, sioni molenge ti Hérode, la ayeke fadeso gbia ti Judée. Ni la, na yâ ti mbeni bango li ni nde, Nzapa atene na lo ti gue kâ ape. Tongaso, Joseph ague na sewa ti lo na mbage ti nord na lo sara kodro na Nazareth, mbeni gbata ti Galilée, yongoro na Jérusalem, ndo so aJuif kue aga avoro Nzapa dä. Jésus akono na yâ ti kodro so, na ge nga mbeni prophétie aga tâ tënë, so a tene: “A yeke iri lo zo ti Nazareth.”—Matthieu 2:23.

TI HINGA AMBENI TËNË

Atënë so azo ahunda—Décembre 2014

So Jérémie atene Rachel atoto amolenge ti lo, lo ye lani ti tene nyen la?

Joseph abata ala, abâ lege ti ala na azia lege ni ape

Na lege wa la Joseph abata sewa ti lo? Ngbanga ti nyen la lo kpe na Marie na Jésus lo gue na ala na Égypte?