Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Fa ye na amolenge ti mo

 CHAPITRE 14

Royaume so ayeke komande ande sese kue

Royaume so ayeke komande ande sese kue

Ti mo, Royaume wa la e ye ti sara tënë ni so?— Ni la, a yeke Royaume ti Nzapa. Royaume ni so la ayeke sara si sese kue aga paradis. Mo ye ti hinga ye na ndo ti Royaume ni so?—

Royaume oko oko ayeke ka na gbia ti lo, na gbia ni akomande na ndo ti azo ti kodoro ni kue. Zo wa la Nzapa azia lo gbia na ndo ti Royaume ni?— A yeke Jésus Christ. Lo yeke na yayu kâ, nga lo ga nduru ti komande na ndo ti azo oko oko kue na ndo ti sese ge. Tongana Jésus aga Gbia na ndo ti sese kue, e yeke duti ande na ngia?—

Nyen la ayeke nzere ande na mo na Paradis kâ?

E yeke duti ande na ngia mingi! Na Paradis ande kâ, azo ayeke tiri na popo ti ala ape, nga ala yeke sara bira ape. Azo kue ayeke ye tere na popo ti ala. Zo oko ayeke tï kobela ape wala ayeke kui ape. Azo so lê ti ala abuba ayeke bâ ndo ande, azo so mê ti ala akanga ayeke mä ndo, nga azo so gere ti ala abuba ayeke kpe loro nga ala yeke huru. Azo kue ayeke wara ande gbâ ti kobe ti tengo ni. Anyama ayeke te tere na popo ti ala ape, nga ala yeke te zo ape. Azo so akui, a yeke zingo ala ande. Ambeni zo so e manda ye na ndo ti ala na yâ ti mbeti so, ala nga kue ayeke zingo ande na kuâ,  azo tongana Rébecca, Rahab, David na Élie. Mo ye ti bâ ala ande?—

Jéhovah aye mo nga lo ye si mo duti na ngia. Tongana mo ngbâ ti manda ye na ndo ti Jéhovah nga mo ngbâ ti mä yanga ti lo, mo peut ande ti ngbâ lakue lakue na yâ ti pendere Paradis. Mo ye ti duti ande na yâ ti Paradis ni?—

DIKO NA YÂ TI BIBLE TI MO

 

TI HINGA AMBENI TËNË