Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Fa ye na amolenge ti mo

 CHAPITRE 1

Mbeni tënë so a nzere na e mingi ti hinga ni

Mbeni tënë so a nzere na e mingi ti hinga ni

Tongana azo use asara tënë si ala ye ti tene amba ti ala ahinga ape, ala honde tënë la ape?— * Bible nga kue asara tënë ti mbeni ye so lo honde tënë ni. Tënë ni so alondo na Nzapa. Lani, azo ahinga ni ape, même a-ange kue. Ni la ala ye lani ti hinga ambeni tënë na ndo ni. Mo kue mo ye ti hinga tënë ni so?—

Ti mo, a-ange aye ti hinga nyen la?

Ândö giriri, Nzapa acréé kozo koli na kozo wali. Iri ti ala ayeke Adam na Ève. Nzapa azia ala na mbeni pendere ndo so a iri ni yaka ti Éden. Tongana Adam na Ève amä lani yanga ti Nzapa, ka ala na amolenge ti ala ayeke sara si sese kue aga paradis. Nga, ala lingbi lani ti ngbâ na yâ ti Paradis ni lakue lakue. Me a yeke ye so asi ape. Ti mo, nyen la Adam na Ève asara lani nyen?—

Adam na Ève ake yanga ti Nzapa. Ni la si e yeke na yâ ti paradis laso ape. Me, Nzapa atene lo yeke kiri ti sara ande si sese kue aga pendere si azo aduti dä na ngia lakue lakue. Lo yeke sara ande ni tongana nyen? A sara angu mingi, azo ahinga ni ape. Tënë ni angbâ lani na hondengo ni.

Lani, tongana Jésus aga na ndo ti sese ge, lo fa ambeni tënë na ndo ni. Lo fa so ye ni so angbâ lani na hondengo ni so ayeke Royaume ti Nzapa. Ni la lo tene na azo ti sambela ti tene Royaume ni aga. Royaume ni so la ayeke sara ande si sese ayeke ga mbeni pendere paradis.

Mo ye ti hinga ye na ndo ti Royaume ni so?— Hinga so gi azo so amä yanga ti Jéhovah la ayeke duti ande na yâ ti Paradis ni. Bible asara tënë ti gbâ ti azo so ândö ala mä yanga ti Jéhovah. Mo ye ti hinga ye na ndo ti ala?— Ambeni zo ni ayeke azo wa? Tongana nyen la e lingbi ti sara ye tongana ala? Zia e bâ ni.

DIKO NA YÂ TI BIBLE TI MO

^ par. 3 Na yâ ti brochure ni kue, mo yeke wara vuko tiret so (—) na peko ti ambeni hundango tënë. Tongana mo si dä, luti kete ti zia lege na molenge ti mo ti kiri tënë.