Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Fa ye na amolenge ti mo

 CHAPITRE 8

Josias ayeke lani na anzoni kamarade

Josias ayeke lani na anzoni kamarade

Ti tene zo asara ye ti nzoni, a yeke kete ye?— Ti azo mingi, a yeke kete ye ape. Bible asara tënë ti mbeni molenge-koli so iri ti lo ayeke Josias, na atene so a yeke lani kete ye na lo ape ti sara ye so ayeke nzoni. Me Josias ayeke lani na anzoni kamarade so amû maboko na lo. Zia e manda ye na ndo ti Josias ni nga na akamarade ti lo.

Babâ ti Josias ayeke Amon, gbia ti Juda. Amon ayeke sioni mingi nga lo voro ayanda. Tongana Amon akui awe, Josias aga gbia ti Juda. Me lo yeke gi na ngu 8 senge. Josias ayeke lani sioni tongana babâ ti lo?— Ên-ën.

Sophonie atene na azo ni ti voro ayanda ape

Même lani so Josias ade kete mingi, lo ye gi ti mä yanga ti Jéhovah. Ni la lo ye ti sara kamarade gi na azo so aye Jéhovah. Ala nga amû maboko na lo ti sara ye so ayeke nzoni. Akamarade ti Josias ni ayeke lani azo wa?

Mbeni kamarade ti lo ni ayeke Sophonie. Sophonie ayeke lani mbeni prophète.  Lo tene lani na azo ti Juda so tongana ala ngbâ ti voro ayanda, sioni ye ayeke si na ala. Josias amä Sophonie si lo voro gi Jéhovah, me ayanda ape.

Mbeni kamarade ti Josias ni nga ayeke Jérémie. Ngu ti ala aye ti lingbi tere, nga ala yeke avoizin. Josias na Jérémie aye tere lani mingi. Ni la, tongana Josias akui, Jérémie asara mbeni bia ndali ti lo. Na yâ ti bia ni, lo fa so Josias amanke lo mingi. Ala mû lani maboko na mba mingi ti sara ye so ayeke nzoni nga ti mä yanga ti Jéhovah.

Josias na Jérémie amû maboko na mba ti sara ye so ayeke nzoni

Mo yeke sara tongana nyen ti fa so mo sara ye tongana Josias?— Même lani so Josias angbâ kete mingi, lo ye gi ti sara ye so ayeke nzoni. Lo hinga so a yeke nzoni lo sara kamarade na azo so aye Jéhovah. Mo nga kue, sara kamarade na azo so aye Jéhovah na so alingbi ti mû maboko na mo ti sara ye so ayeke nzoni.

DIKO NA YÂ TI BIBLE TI MO

  • 2 Chronique 33:21-25; 34:1, 2; 35:25